Menu principal

Menu principal

Arraz n uneɣmas amsadur : nezmer ad nazen tiṣekkiwin-nneɣ s tebrat taliktrunant

Yeffeɣ-d ass n : Laṛebɛa, 14 Tubeṛ 2020 20:22   Ɣran-t : 7 n tikkal
Arraz n uneɣmas amsadur : nezmer ad nazen tiṣekkiwin-nneɣ s tebrat taliktrunant

LEZZAYER  TAMANEƔT - Tasqamut n yimsekyaden n Warraz n uselway n Tegduda n uneɣmas amsadur, yettwasersen iḍelli n uynas (letniyen), icar-d dakken ma llan wuguren deg wazan n tṣekkiwin qbel taggara n umenḍar yettwasebḍen, ineɣmasen zemren ad aznen taṣekka-nsen deg ukaram n timmazwert s tebrat taliktrunant, i d-yenna ass n usinas (ttlata) yiwen n ulɣu n uɣlif n Teɣwalt.

" Tasqamut n yimsekyaden n Warraz n uselway n Tegduda n uneɣmas amsadur, yersen ass n 121 tuber 2020, ddaw leɛnaya n uneɣlaf n Teɣwalt, amutlay n Unabaḍ, Ammar Belhimer, icar-d dakken ma llan wuguren deg wazan n tṣekkiwin qbel taggara n umenḍar yettwasebḍen, ineɣmasen zemren ad aznen taṣekka-nsen deg ukaram n timmazwert s tebrat taliktrunant ɣer tansa-a : Cette adresse e-mail est protégée contre les robots spammeurs. Vous devez activer le JavaScript pour la visualiser., sya simi ara rsen yikaramen yemmden deg tnarit tamatut n tesɣimt n uɣlif n Teɣwalt", i yezmel uɣbalu-nni.

Aeɣlaf n Teɣwalt, amutlay n Unabaḍ, Ammar Belhimer isers ass n uynas deg Lezzayer tamaneɣt inesɣuma n yimsekyaden n Warraz n uselway n Tegduda n uneɣmas amsadur, i yettwasuddsen i tikkelt tis sḍis ddaw n usentel "Asemḍen, d tiqenṭert ɣer Lezzayer tamaynut".

Deg yiwen n yinaw i d-yeɣra sdat n yinesɣuma n yimsekyaden i yesselwi uwessar n tesdawit n Tussniwin tisertanin, Slimane Arradj, yenna-d Mass Belhimer dakken ilul-d Waraz-a s tin n usteɛref n ubrid i d-wwin yineɣmasen izzayriyen, deg Umgaru n uslelli aɣelnaw, akked waddud s idis n wussisen n yimsaduren n tɣamsa taɣelnawt i la yettekkayen deg useǧhad n yizerfan n yiɣermanen deg uḥric-nsen n telɣut.

"Iswi-iḍen n useɣnew n warraz-a d asebɣes akked usmal n ufares aɣamsan aɣelnaw akken tebɣu tili talɣa-s, akked tallalt n ufazi, aseɣnew akked usemsuder deg ugensu n tɣamsa taɣelnawt, s usersi n yidles n teklalit", i yerna yenna-d.

Terza temsalt daɣen, i yerna yenna-d, "d asarrez n tṣekkiwin tufrinin ama n yiwen n umdan neɣ n tegrawt n yimdanen, i d-yuran ɣef usentel". 

Last modified on Lexmis, 15 Tubeṛ 2020 10:50
Arraz n uneɣmas amsadur : nezmer ad nazen tiṣekkiwin-nneɣ s tebrat taliktrunant
  Yeffeɣ-d ass n : Laṛebɛa, 14 Tubeṛ 2020 20:22     Taggayt : LEZZAYER     Ɣran-t : 7 n tikkal   Bḍu