Menu principal

Menu principal

Lbak 2020 : atug n rbeḥ aɣelnaw yewweḍ ar 55,30%, ad fɣen yigmaḍ ass n ukras ɣef wis 15h

Yeffeɣ-d ass n : Laṛebɛa, 14 Tubeṛ 2020 01:21   Ɣran-t : 15 n tikkal
Lbak 2020 : atug n rbeḥ aɣelnaw yewweḍ ar 55,30%, ad fɣen yigmaḍ ass n ukras ɣef wis 15h

LEZZAYER  TAMANEƔT - Igmaḍ n ukayad n Lbak n tsemhuyt 2019-2020 ad ten-id-ciren ass n ukras (larebɛa) ɣef usrag wis 15h00, atug n rbeḥ aɣelnaw yewweḍ ar 55,30%, i as-d-nnan i Tnegga n Yisalan n Lezzayer deg uɣlif n Usegmi aɣelnaw.

Igmaḍ s tmezzugin yefkad dakken d tamezzugt n tusnakt i yeṭṭfen taqacuct s yiwen n utug n rbeḥ n 80,22%, teḍfer-itt-id tin n tutlayin tiwerdaniyin s utug n 67,78%, tamezzugt tatwilant tusnakant s 58,48%, tussniwin n termitin s 56,97% sakin tamezzugt n tsekla akked tfelsuft s yiwen n utug n 52,60%, deg taggara d tamezzugt n usefrek akked tdamsa s 38,09%, ɣef wakken i d-yenna uɣlif n Usegmi aɣelnaw.

Deg wattal-a, yenna-d uneɣlaf dakken igmaḍ, ama n yimazwaren imɣurbizen neɣ ilelliyen, ad ten-id-ncir azekka n ukwas 14 tuber 2020 seg usrag wis 15h d afella deg yiɣerbazen akked yidgen iliktrunanen n Usira aɣelnaw n yikayaden akked yimzazwaren (ONEC) : https://bac.onec.dz.

Igmaḍ n wid irebḥen imɣurbizen ad ttwaẓergen daɣen ɣef Tliẓri n Tmusni (Maârifa) n Tliẓri taɣelnawt, deg udeg aliktrunan yerzan imarawen n yibalmuden.

Yesseddi-d uneɣla n Usegmi aɣelnaw dakken tzemrem ad tezṛem igmaḍ deg usawal s SMS, s usekcem n ungal *567# ɣur kraḍ n yisemzalen n tilifun, Mobilis, Ooredoo et Djezzy.

Last modified on Lexmis, 15 Tubeṛ 2020 09:55
Lbak 2020 : atug n rbeḥ aɣelnaw yewweḍ ar 55,30%, ad fɣen yigmaḍ ass n ukras ɣef wis 15h
  Yeffeɣ-d ass n : Laṛebɛa, 14 Tubeṛ 2020 01:21     Taggayt : LEZZAYER     Ɣran-t : 15 n tikkal   Bḍu