Print this page

Yiwet tsekka n umtawa ara d-yesbadun tiwtilin n usɣurbez deg yiɣerbazen usligen

Yeffeɣ-d ass n : Ttlata, 13 Tubeṛ 2020 20:04   Ɣran-t : 1 n tikkal
  • Bḍu
Yiwet tsekka n umtawa ara d-yesbadun tiwtilin n usɣurbez deg yiɣerbazen usligen

LEZZAYER  TAMANEƔT - Ineɣlafen n Usegmi aɣelnaw akked win n Tnezzut beṭṭḥen-d ass n usinas (ttlata) "yiwet tsekka n umtawa" ara d-yesbadun tiwtilin akked yiberdan n usɣurbez n yibalmuden deg yiɣerbazen usligen, ideg imarawen ur ttwaḥetmen ara akken ad xelṣen timeqraḍ n usɣurbez, neɣ aɣerbaz uslig ad yesselmed mi ara yili "kra i umi ur zmiren ara".

Isem-is "yir taswiɛt akked yiberdan ara neḍfer", amagrad wis 11 n umtawa yeqqar-d dakken "ma ara d-teɣli yir taswiɛt ur nettaǧǧa ara ad ḍrun yinmeqqanen, i sin yiḥricen tettwakkes fell-asen tmasit".

Yezzireg-d dakken deg liḥala am ta, "imarawen n yibalmuden ur yettwaḥettem ara fell-as ad ixelleṣ asɣurbez n warraw-is", yesseddi-d warrat-nni dakken aɣerbaz uslig, Ma yella ur yezmir ara ad yesselmed s umeccaq, yettwakkes fell-as unmeqqen n uselmed n ubalmud. Ad yettwaḥettem fell-as akken ad yer idrimen i as-d-yefka umaraw n ubalmud.

Tasekka-a n umtawa i Tesɛa Tnegga n Yisalan n Lezzayer, yezzireg-d dakken "i sin yiḥricen yessefk ad mcawaren gar-asen i wakken ad ddmen akaten n useɣti deg wayen yerzan akud i d-yegran n umtawa, deg yiwen n umenḍar n 48 n yisragen". Amtawa ara iɣur ara awḍen sin-nni yeḥricen "yessefk ad stenyin fell-as deg yiwen n umenḍar ur d-ntekk ara nnig n 7 wussan".

Ma yella-d umgared anezzan, "d imeẓla n uɣlif n Tnezzut ara yesnefrun gar-asen, sakin ad yeddem aɣtas ara ten-yerzun deg sin yid-sen". Deg wayen yerzan amgared asensegman, d imeẓla n uɣlif n Usegmi aɣelnaw ara yesnefrun gar-asen, sakin ad yeddem aɣtas ara ten-yerzun deg sin yid-sen.

Yiwet tsekka n umtawa ara d-yesbadun tiwtilin n usɣurbez deg yiɣerbazen usligen
  Yeffeɣ-d ass n : Ttlata, 13 Tubeṛ 2020 20:04     Taggayt : LEZZAYER     Ɣran-t : 1 n tikkal   Bḍu