Menu principal

Menu principal

Yessawel uselway Tebboune d umtil-nnes atunsi s usawal

Yeffeɣ-d ass n : Ttlata, 13 Tubeṛ 2020 12:09   Ɣran-t : 8 n tikkal
Yessawel uselway Tebboune d umtil-nnes atunsi s usawal

LEZZAYER TAMANEƔT – Yeṭṭef-d uselway n tegduda, Mass Abdelmadjid Tebboune, ass n uynas, tiɣri s usawal sɣur umtil-nnes atunsi, Kais Saied, yernu ssawlen ɣef wassaɣen isindisanen d tedyanin tineggura ay d-yellan deg temnaḍt, ladɣa deg temsalt talibit, ɣef wakken ay d-yenna yiwen n ulɣu n tselwit n tegduda.

« Yeṭṭef-d uselway n tegduda, Mass Abdelmadjid Tebboune, tiɣri tansawalt sɣur umtil-nnes atunsi, Mass Kais Saied, d tin aydeg ay d-ssukken tiṭ ɣef wassaɣen isindisanen d terzi ay d-yetteddun ɣef Tunes », ɣef wakken ay d-yebder ulɣu-a.

Mi d-wwin awal ɣef tedyanin tineggura deg temnaḍt, ladɣa tamsalt talibit, yules iwekked-d uselway Tebboune addud afraray ur inefflen n Lezzayer deg wayen yerzan aya ladɣa imi Lezzayer teggar-d tiɣri i tifrat tamelwit d tsertant ara d-yekken sɣur uɣref alibi agmat.

« I lmend n waya, yeckeṛ-d uselway Tebboune asuddes ara tessuddes Tunes adiwenni gar Yilibiyen ddaw leɛnaya n Tuddsa n Yiɣlanen Yeddukklen deg wayyur-a n Wamber », ɣef wakken ay d-yerna uɣbalu-a.

 

Yessawel uselway Tebboune d umtil-nnes atunsi s usawal
  Yeffeɣ-d ass n : Ttlata, 13 Tubeṛ 2020 12:09     Taggayt : LEZZAYER     Ɣran-t : 8 n tikkal   Bḍu