Menu principal

Menu principal

Yermes Uselway Tebboune tibratin n kraḍ n yinmahalen imuyna

Yeffeɣ-d ass n : Lexmis, 01 Tubeṛ 2020 00:17   Ɣran-t : 4 n tikkal
Yermes Uselway Tebboune tibratin n kraḍ n yinmahalen imuyna

LEZZAYER  TAMANEƔT – Aselway n Tegduda, Mass Abdelmadjid Tebboune, yermes, ass n ukras (larebɛa) deg tesɣimt n Tselwit n Tegduda, tibratin n yinmahalen imuyna n Fransa, n Ityupya akked win n Tmura n Wadda yellan deg Lezzayer, i d-yezzirgen taɣara n wassaɣen n tmura-nsen akked Lezzayer akked lebɣi-nsen i wakken ad ten-sneflin ugar.

"S lferḥ i d-nebder akked Uselway Tebboune imal yelhan n tneflit n wassaɣen isindisanen, akked tuttriwin ilan lfayda tucrikt, ama deg wayen yerzan Libya, Mali neɣ Ssaḥel s umata", i d-yesseɣret unmahal amaynu n Fransa, François Gouyette, deg taggara n temlilit iga yid-s uɣella n Uwanak.

Seg yidis-is, anmahal amaynu n Ityupya, Nabiat Getachaw Assegid, yenna-d dakken yemmeslay akked uselway n Tegduda ɣef wassaɣen isindisanen yellan gar snat n tmura akked wallalen ara ten-yesneflin ugar, "ama seg yisid asindisan neɣ agetdisan, neɣ deg ukatar n Tdukli Tafriqit".

Deg wayen i t-yerzan, anmahal amaynu n Tmura n Wadda, Janna Van Der Velde, yefreḥ s wassaɣen isindisanen "yelhan" yellan gar Lezzayer akked tmurt-is, yenna-d dakken "yefreḥ" s tuɣalin-is ɣer Lezzayer i tikkelt tis Kraḍ. "Menneslay ɣef yisental n tɣellist, ladɣa deg Mali, deg Libya akked temnaḍt n Ssaḥel akked usefrek amdanan n yinig" i d-yezzireg.

Last modified on Lexmis, 01 Tubeṛ 2020 17:42
Yermes Uselway Tebboune tibratin n kraḍ n yinmahalen imuyna
  Yeffeɣ-d ass n : Lexmis, 01 Tubeṛ 2020 00:17     Taggayt : LEZZAYER     Ɣran-t : 4 n tikkal   Bḍu