Menu principal

Menu principal

Tamenḍawt: Ass n usamas ara tettwaxtem temhelt n ucegger n wumuɣen ifrananen

Yeffeɣ-d ass n : Lḥedd, 27 Ctembeṛ 2020 10:26   Ɣran-t : 5 n tikkal
Tamenḍawt: Ass n usamas ara tettwaxtem temhelt n ucegger n wumuɣen ifrananen

LEZZAYER TAMANEƔT – Tamhelt n ucegger asurfan n wumuɣen ifrananen i lmend n tsefrant n ucegger n tmenḍawt ara d-yilin ass n 1u n Wamber ay d-yetteddun ad tfak ass n usamas.

Tamhelt-a tella-d deffir ma yeɣra-d uselway n tegduda, Mass Abdelmadjid Tebboune, i tfekka tafranant akken ad tedrew deg tsefrant n usenwi n tmenḍawt.

Aselway n Udabu Aɣelnaw Amzarug n Tefranin, Mohamed Charfi, icar-d, ass n usamas yezrin seg twilayt n Bumerdas, tamhelt n ucegger asurfan n wumuɣen ifrananen.

Aselway n udabu-a yenna-d dakken tafekka tafranant tesɛa, imir-a, 24.111.081 n yiferranen, am wakken ay d-yerna dakken, deg ucegger-a ad d-rnun gar 500.000 d 600.000 n yiferranen imaynuten.

Aselway Tebboune yerra acegger n tmenḍawt d tuzwirt-nnes am wakken ay d-iḥettet dakken tamenḍawt tamaynut ad tili d tin n umtawa deg ukatar n ukala n tmeṣkiwt n « Lezzayer tamaynut ».

 

Tamenḍawt: Ass n usamas ara tettwaxtem temhelt n ucegger n wumuɣen ifrananen
  Yeffeɣ-d ass n : Lḥedd, 27 Ctembeṛ 2020 10:26     Taggayt : LEZZAYER     Ɣran-t : 5 n tikkal   Bḍu