Menu principal

Menu principal

Acegger n tmenḍawt: « d asurif n tɣara » deg temsalt n yizerfan d tlelliyin

Yeffeɣ-d ass n : Lḥedd, 27 Ctembeṛ 2020 09:18   Ɣran-t : 20 n tikkal
Acegger n tmenḍawt: « d asurif n tɣara » deg temsalt n yizerfan d tlelliyin

LEZZAYER TAMANEƔT – Yenna-d uselway n Useqqamu Aɣelnaw n Yizerfan n Umdan, Bouzid Lazhari, ass n usiḍyas deg Lezzayer Tamaneɣt, dakken acegger amenḍawan ayɣef ara d-tili tsefrant taɣerfant ass n Umenzu n Wamber 2020 ad tili d « asurif n tɣara » deg wayen yerzan izerfan d tlelliyin yernu d win ara yerren taẓugayt n « Lezzayer tamaynut » d azamul n Umussu Aɣerfan yernu d aseḍru n tnegmiyin n umussu-a.

« Acegger amenḍawan ay d-yellan s tsentayt n uselway n tegduda, Mass Abdelmadjid Tebboune, d asurif axatar n tɣara deg temsalt n yizerfan d tlelliyin yernu d win ara yerren taẓugayt n Lezzayer tamaynut … d tilawt yettwaḥerzen deg tmenḍawt », ɣef wakken ay d-yenna Mass Lazhari deg yiwet n tdiwennit d Tnegga n Yisalan n Lezzayer, am wakken ay d-iwekked dakken izerfan n umdan yettunefk-asen wazal d axatar ama deg temnaṛt n tmenḍawt-a, ama deg yimagraden-nnes.

Yenna-d Mass Lazhari dakken tamnaṛt n tmenḍawt-a tesɛa agerṣeddar d amaynu ay d-iberden dakken Lezzayer teṭṭef deg yizerfan n umdan akken ay d-ttwabedren deg Tesguri Tameɣradant n Yizerfan n Umdan, am wakken ay teṭṭef deg talwit d usnegmu, ɣef wakken ay d-ixebber, am wakken ay d-yerna dakken tamnaṛt-a d azamul n tfelsuft n udabu deg Lezzayer.

Yerna-d daɣ Mass Lazhari dakken tamenḍawt-a tesɛa azwel n yizerfan n umdan aydeg llan 39 n yimagraden (seg umagrad 34 ɣer umagrad 73) yili deg tmenḍawt n 2016, llan kan 30 n yimagraden ɣef temsalt-a. Deg uzwel-nni, ttwabedren-d yizerfan imaynuten nnig uzref n tmeddurt, azref i waman n tissit d uzref n uɣerman akken ad yeccetki ɣer tsuda d tdeblin tinagdudin.

Iwekked-d dakken aṭas n yizerfan niḍen yeqqnen ɣer yizerfan n umdan llan ya uqbel maca yenna-d dakken tamenḍawt-a tamaynut d tin ay yesseḥbabren ɣef usejhed-nsen yernu gar yizerfan-a tella tlelli n uzlay beṛṛa i ugelluy aɣelnaw, asejhed n yiferdisen n tlelli n tɣemsa, ula d taɣemsa taliktṛunant, asejhed n waɣan n uwanak akken ad yalel taggayin tuṛhifin, asireg n tmeskanin tinagdudin s tesguri kan yernu maci s usuter n usireg, asireg n useɣnew n tiddukliwin s tesguri yernu wi akk d izerfan yettwasmemmin deg tmura yennegman.

 

 

Acegger n tmenḍawt: « d asurif n tɣara » deg temsalt n yizerfan d tlelliyin
  Yeffeɣ-d ass n : Lḥedd, 27 Ctembeṛ 2020 09:18     Taggayt : LEZZAYER     Ɣran-t : 20 n tikkal   Bḍu