Menu principal

Menu principal

Agraw aɣerfan aɣelnaw : asmemmi n usenfar n usaḍuf ara ibeddlen ad yessemmed Angal n tsekkirin tifguranin

Yeffeɣ-d ass n : Lexmis, 24 Ctembeṛ 2020 19:29   Ɣran-t : 27 n tikkal
Agraw aɣerfan aɣelnaw : asmemmi n usenfar n usaḍuf ara ibeddlen ad yessemmed Angal n tsekkirin tifguranin

LEZZAYER  TAMANEƔT - Inesɣuma n Ugraw aɣerfan aɣelnaw (APN) smemmin, ass n ukwas (lexmis), asenfar n usaḍuf yerzan abeddel akked usemmed n Ungal n tsekkirin tifguranin.

Yeḍra-d udɣar deg temlilit i yesselwi Slimane Chenine, aselway n Ugraw aɣerfan aɣelnaw, deg taggara n usimel n uḍris n usaḍuf i d-iga uneɣlaf n Wassaɣen akked Umni, Basma Azouar s yisem n uneɣlaf n Teɣdemt, Belkacem Zeghmati.

Yers usenfar-a "deg ukatar n useddu yelhan n teɣdemt tazzayrit akked tɣara n yizrafen-is, akken ad tezmer ad tqabel akk tisekkiwin n yiweẓla akked umxaṣem yellan i la tt-id-yettawḍen yal ass, akken yebɣu yili uwɛar-nsen".

Almend n usaḍuf i ibeddlen yerna yessemmed angal n tsekkirin tifguranin, ad sɣenwan yiwet n tqacuct tafgurant tadamsant taẓerfant ara yesɛun tazmert ad teddu deg wakal akk n tegduda.

Deg wayen yerzan amennuɣ mgal n tremɣa akked tinnɣi tagerlisa, asenfar n usaḍuf iheyya-d asihrew n tezmert n wakal i tsenbert n teɣdemt n Lezzayer tamaneɣt i umi ara tettunefk yiwet n tezmert tarruman tayiwnant deg wayen yerzan tinnɣi tameqqrant, yellan d taɣelnawt neɣ d tagraɣlant".

Last modified on Lḥedd, 27 Ctembeṛ 2020 10:28
Agraw aɣerfan aɣelnaw : asmemmi n usenfar n usaḍuf ara ibeddlen ad yessemmed Angal n tsekkirin tifguranin
  Yeffeɣ-d ass n : Lexmis, 24 Ctembeṛ 2020 19:29     Taggayt : LEZZAYER     Ɣran-t : 27 n tikkal   Bḍu