Menu principal

Menu principal

Asegmi alemmas : atug n uzgar ɣer useggas amezwaru n tesnawit yekka nnig n 90%

Yeffeɣ-d ass n : Lexmis, 24 Ctembeṛ 2020 18:29   Ɣran-t : 16 n tikkal
Asegmi alemmas : atug n uzgar ɣer useggas amezwaru n tesnawit yekka nnig n 90%
LEZZAYER  TAMANEƔT – Aneɣlaf n Usegmi aɣelnaw icar-d ass n ukras (larebɛa) tameddit dakken atug n uzgar n yibalmuden yettwasiggzen deg uswir wis 4 n usegmi alemmas n useggas aɣurbiz 2019/2020 ɣer useggas amezwaru n tesnawit yewweḍ ar 90,61%.

Atug-a, d agensas n umḍan aɣrud n yibalmuden i d-yewwin yiwet n tlemmast i yegdan neɣ yekkan nnig n 9 ɣef 20 deg sin n yisḍisyuren imezwura n useggas yezrin wi ɛeddan seg gan akayad n uselmed alemmas (BEM), tiɣimit n ctember 2020.

Yessegzi-d uɣlif, deg yiwen n ulɣu i d-yewḍen ɣur Tnegga n Yisalan n Lezzayer, dakken igmaḍ n ukayad n uselmed alemmas (BEM) ffɣen-d ass-a n ukwas (lexmis) seg usrag wis 14h d afella deg udeg n Internet n Usira aɣelnaw n yikayaden akked umsazwar (ONEC) : https://bem.onec.dz zemren ad kecmen ɣur-s yimazwaren imɣurbizen akked wid yellan d ilelliyen rnu-as ula d tallunt yettwaɛezlen i yimarrawen : https://tharwa.education.gov.dz

Imazwaren zemren daɣen ad ḍillen ɣef yigmaḍ deg temṣukin tiɣurbizin i yesnazlen, deg yiwen n wass akked usrag, umuɣen n wid irebḥen ara izegren ɣer useggas amezwaru n tesnawit.

Yeḍra-d uzgar s yiwet n tlemmast n 9 ɣef 20s usmerni n sin (2) n yikraḍyuren imezwura.

Seg yidis-iḍen, i yimazwaren ilelliyen, yessefk ad awin agerdas n uselmed alemmas (BEM) akken ad zemren ad gen asileɣ amsadur unnig

Last modified on Lexmis, 24 Ctembeṛ 2020 18:32
Asegmi alemmas : atug n uzgar ɣer useggas amezwaru n tesnawit yekka nnig n 90%
  Yeffeɣ-d ass n : Lexmis, 24 Ctembeṛ 2020 18:29     Taggayt : LEZZAYER     Ɣran-t : 16 n tikkal   Bḍu