Menu principal

Menu principal

Iḥettet Uselway n Tegduda ɣef wakken yessefk ad tettwackeḍ tsemmeskelt n Tuddsa n Yiɣlanen Yedduklen

Yeffeɣ-d ass n : Laṛebɛa, 23 Ctembeṛ 2020 19:32   Ɣran-t : 21 n tikkal
Iḥettet Uselway n Tegduda ɣef wakken yessefk ad tettwackeḍ tsemmeskelt n Tuddsa n Yiɣlanen Yedduklen

LEZZAYER  TAMANEƔT – Aselway n Tegduda, Mass Abdelmadjid Tebboune, icar-d, ass n ukras (larebɛa), s tili-sarag, deg yiwen n yinaw almend n uskasi amatu iɣeḍmen imuhal n tɣimit tanumant tis 75 n Ugraw amatu n Tuddsa n Yiɣlanen Yedduklen, ideg iḥettet ɣef wakken yessefk ad tettwackeḍ tsemmeskelt n Tuddsa n Yiɣlanen Yedduklen ladɣa Asqamu n tɣellist.

Tiɣimit-a teḍra-d aseggas-a ddaw n usentel "Imal i nebɣa, Iɣlanen Yedduklen i neḥwaǧ ad nwekked anmeqqen-nneɣ amazday i wagetdisan / Aqabel n unfafad Bu Tesmert Covid-19 s tigawin tigetdisanin timellilanin".

Yemmeslay-d ɣef tigawt n Tuddsa n Yiɣlanen Yedduklen almend n yimhazen n yimir-a, iḥettet Uselway n Tegduda ɣef wakken yessefk "ad tettwackeḍ tsemmeskelt-is, ladɣa tin n Usqamu n tɣellist, akked useǧhed n ugetdisan i uqabel n yicqirrwen yemgarden, ɣef umedya igellilen, taneflit, aṭanen, azenzi n yimdanen, abeddel n unezwi akked umennuɣ mgal n tremɣa".

Yesketa-d daɣen Uselway n Tegduda imenzayen isukkudanen n tsertit tuffiɣt n Lezzayer, addud-is ɣer tidis n tmentilin tuɣdimin, falasṭin akked tniri tutrimt, ladɣa tazɣent deg Libya akked Mali anda i la tetteg Lezzayer ussisen ixataren i ferru-nsen amelwi.

Deg uɣawas agensi, aselway n Tegduda yenna-d, dakken lezzayer "tenmeqqen deg yiwet n tallit tamaynut, seg d-ilul umussu amelwi, uɣrim iḥawwa uɣref azzayri, i d-yeglan s usuddes, ass n 1 wamber 2020, n tsefrant ɣef ucegger n Tmenḍawt ara isersen lsisan n yiwen n unagraw amagday akked Uwanak n yizerfan, ara iḍemnen lmizan gar yiduba, aqader n tlelliyin akked yizerfan akked tuzzma n tmeddurt tanagdudt".

Last modified on Laṛebɛa, 23 Ctembeṛ 2020 20:46
Iḥettet Uselway n Tegduda ɣef wakken yessefk ad tettwackeḍ tsemmeskelt n Tuddsa n Yiɣlanen Yedduklen
  Yeffeɣ-d ass n : Laṛebɛa, 23 Ctembeṛ 2020 19:32     Taggayt : LEZZAYER     Ɣran-t : 21 n tikkal   Bḍu