Menu principal

Menu principal

Acegger n usaḍuf afranan: Tasmilt tesɛa sin n wayyuren d uzgen akken ad tfak amahil-nnes

Yeffeɣ-d ass n : Letniyen, 21 Ctembeṛ 2020 09:16   Ɣran-t : 57 n tikkal
Acegger n usaḍuf afranan: Tasmilt tesɛa sin n wayyuren d uzgen akken ad tfak amahil-nnes

LEZZAYER TAMANEƔT – Iwekked-d uselway n tegduda, Abdelmadjid Tebboune, ass n usamas n tmeddit, dakken tasmilt taɣelnawt d-yelhan s uheyyi n usenfar n ucegger n usaḍuf agmanan yerzan anagraw afranan tesɛa « amenḍar n sin n wayyuren d uzgen » akken ad tfak amahil-nnes, am wakken ay d-yerna dakken yessaram dakken ad tesɛu tmurt tisuda tufrinin d timaynutin uqbel tgara n useggas-a.

« Ssarameɣ dakken iɣermanen ad qeblen asenfar n ucegger n tmenḍawt akken ad nezmer ad nɛeddi srid ɣer ucegger n usaḍuf yerzan anagraw afranan akken ad yettunefk i umni yernu d aya ara yessiwḍen, ma yella wamek, ɣer tlalit n tsuda tufrinin d timaynutin uqbel tgara n useggas », ɣef wakken ay d-yerna uselway n tegduda deg umyager-nnes d yimasayen n yimidyaten iɣelnawen.

Ɣef leḥsab n uselway Tebboune, « yessefk ad tettunefk tuzwirt i tnafut tanafellat n uɣref d tmurt, ma d ayen niḍen d tamsalt kan n tnumi ».

« Ma neqqim s tsuda ixuṣṣen tafelsa, deffir akk ayen nga ar ass-a, amzun ur ngi acemma », ɣef wakken ay d-iwekked.

Mi d-yebder infalen imeqqranen ara teḥrez tmenḍawt tamaynut ayɣef ara d-tili tsefrant ass n 1 Wamber 2020, iwekked-d uselway n tegduda dakken tamenḍawt-a d tin aydeg ara yili ugenses n tidet am wakken ara tefk tizemmar d tiwesɛanin i wufrinen.

 

Last modified on Ttlata, 22 Ctembeṛ 2020 11:49
Acegger n usaḍuf afranan: Tasmilt tesɛa sin n wayyuren d uzgen akken ad tfak amahil-nnes
  Yeffeɣ-d ass n : Letniyen, 21 Ctembeṛ 2020 09:16     Taggayt : LEZZAYER     Ɣran-t : 57 n tikkal   Bḍu