Menu principal

Menu principal

Acegger n tmenḍawt: Aciri n usiggez aliktṛunan ɣer wumuɣen ifrananen

Yeffeɣ-d ass n : Letniyen, 21 Ctembeṛ 2020 09:05   Ɣran-t : 52 n tikkal
Acegger n tmenḍawt: Aciri n usiggez aliktṛunan ɣer wumuɣen ifrananen

LEZZAYER TAMANEƔT – Icar-d uselway n Udabu Aɣelnaw Amzarug n Tefranin, Mohamed Charfi, ass n usamas, aceggern wumuɣen ifrananen seg tɣiwanin n Bumerdas d Rwiba (tawilayt n Lezzayer) deg ukatar n usewjed i tsefrant n ucegger n tmenḍawt ara d-yilin ass n 1 Wamber.

Tamhelt-a tella-d deffir ma yebbek-d uselway n tegduda, Abdelmadjid Tebboune, tafekka tafranant akken ad tedrew deg tsefrant n ucegger n tmenḍawt.

I lmend n waya, yesselwi Mass Charfi aciri n usiggez aliktṛunan n yiɣermanen yeɣsen ad derwen deg tefranin neɣ wid ay yesneflen tanezduɣt-nsen. Win yeɣsen ad yessiggez, yessefk ad yerzu ɣef usmel n Internet n Udabu Aɣelnaw Amzarug n Tefranin.

Deg yiwen n usarag n tɣemsa deg tesɣimt n tɣiwant n Bumerdas, yenna-d Mass Charfi dakken tasekkirt-a tamaynut « ad tessebɣes ilemẓiyen akken ad ssiggzen » deg wumuɣen ifrananen, yernu yenna-d dakken yedwet imi iɣermanen n Bumerdas ssaggzen s Internet akken ay d-caren tamhelt-a.

S tsekkirt-a tamaynut, tukksa seg wumuɣen ifrananen tettili-d s wammak awurman.

« Tamhelt n usiggez, ay yellan, naqal, tewɛeṛ, teqqel imir-a d tafessast. Iswi n waya d abaḍi n ufaylu afranan aɣelnaw », ɣef wakken ay d-yerna.

 

Acegger n tmenḍawt: Aciri n usiggez aliktṛunan ɣer wumuɣen ifrananen
  Yeffeɣ-d ass n : Letniyen, 21 Ctembeṛ 2020 09:05     Taggayt : LEZZAYER     Ɣran-t : 52 n tikkal   Bḍu