Menu principal

Menu principal

Aselway Tebboune : Ma yella yebɣa uɣref abeddel, yewweḍ-d ukud i wakken ad tneg

Yeffeɣ-d ass n : Letniyen, 21 Ctembeṛ 2020 00:55   Ɣran-t : 54 n tikkal
Aselway Tebboune : Ma yella yebɣa uɣref abeddel, yewweḍ-d ukud i wakken ad tneg

LEZZAYER  TAMANEƔT – Aselway n Tegduda, Mass Abdelmadjid Tebboune, yesseɣret-d, deg umyenni iga akked yimasayen n kra n yimidyaten iɣelnawen, i d-yettwamsaken ass n usamas (lḥedd) tameddit, dakken "ma yella yella yebɣa uɣref abeddel, yewweḍ-d ukud i wakken ad tneg".

Deg umyenni-a, yerra-d Mass Tebboune i mennaw n tuttriwin tmirt taɣelnawt akked tegraɣlant, yenna-d dakken tamenḍawt tamaynut "tefka aṭas n udabu i wufrin ara d-yefren uɣref", yezzireg-d dakken "ma yella yebɣa uɣref abeddel, yewweḍ-d ukud i wakken ad tneg akken ur nettɣimi ara deg ccek iseg d-nɛedda".

"Awanak azzayri ad yuɣal, seg ara tɛeddi tsefrant ɣef ucegger n tmenḍawt ara d-yeḍrun ass n 1 wamber 2020, yezzem ugar yerna ad yili i lfayda n uɣerman mačči gar ifassen n tegrawt n yimdanen ara yuɣalen d ababat ɣef uɣref", i yerna yenna-d, iwekked-d dakken "d aɣref ara iɣetsen ɣef yimal-is".

Aselway n Tegduda yenna-d, deg umyenni-nni, dakken "yessaram" ad iwali iɣermanen "deɣren ɣef usenfar n ucegger n tmenḍawt, i wakken ad nezmer ad nezger srid ɣer ucegger n usaḍuf yerzan anhil afranan, ara d-iɛeddin seg umni i wakken ad neslal, ma yella wamek, tisuda timaynutin yettwafernen qbel taggara n useggas".

Yebder-d ibeddilen ixataren i yes-s ara d-teglu Tmenḍawt-a tamaynut, Mass Tebboune yenna-d dakken agenses ad yili "d win n tidet s Tmenḍawt-a acku ad tefk adabu hrawen i wufrinen".

Last modified on Letniyen, 21 Ctembeṛ 2020 19:55
Aselway Tebboune : Ma yella yebɣa uɣref abeddel, yewweḍ-d ukud i wakken ad tneg
  Yeffeɣ-d ass n : Letniyen, 21 Ctembeṛ 2020 00:55     Taggayt : LEZZAYER     Ɣran-t : 54 n tikkal   Bḍu