Menu principal

Menu principal

Aṭeṛḍaq n Beyrut: kuẓ n tmesrifgin uɛiwen i yuffgen si Lezzayer

Yeffeɣ-d ass n : Ljemɛa, 07 Ɣuct 2020 18:12   Ɣran-t : 20 n tikkal
Aṭeṛḍaq n Beyrut: kuẓ n tmesrifgin uɛiwen i yuffgen si Lezzayer

BLIDA - Kuẓ (4) n tmesrifgin tizzayriyin uffgent lexmis, seg unafag aredsan n Bufarik (Blida) wwint aɛɛiwen isufar n wuččč akk d ddwawi i wid yenṭeṛṛen deg userbek d-yellan di Beyrut (Lubnan).

Aneɣlaf amezwaru, Abdelaziz Djerad, yefkan urag n beddu n tigawt-agi tamɛiwent n Lezzayer akk d Lubnan di tegnitt-agi qessiḥen, iwekked-d ibeddi n Lezzayer, anabaḍ d weɣṛef, akk d wegdud alubnani ama di tegnatin yelhan neɣ d tid iwaɛṛen.

"Seg mi nesla s twaɣit-agi, aselway n Tegduda yumeṛ , mbaɛd mi yemcaweṛ d uselway alubnani Michel Aoun, aceyeɛ srid n uɛawen n weɣṛef alubnani almend usenɣes n wugur-agi-nnes", id-yenna Mas Djerad, am wakken yenna daɣen belli ṛṛay-agi uwanek azzayri ad d-yili s utekki n wayyur azggagh azzayri (CRA) "d ayen d-yettbegginen ibeddi n Lezzayer d watmaten-nnes aɛṛaben d yemselmen di tegnatin tiwaɛṛanin".

Aneɣlaf amezwaru, tella yid-s taselwayt n wayyur azeggaɣ azzayri, Saida Benhabiles, yesmekta-d assaɣen ilqayanen imazrayen yezdin s tegmatt ger Lezzayer d Lubnan, yerna yefka iwellihen i trebbuyaɛ timselkin tizzayriyin akken ad xedment akk ayen iwulmen i wid-agi teṭṭef twaɣit-agi di Beyrut.

Last modified on Ljemɛa, 07 Ɣuct 2020 21:21
Aṭeṛḍaq n Beyrut: kuẓ n tmesrifgin uɛiwen i yuffgen si Lezzayer
  Yeffeɣ-d ass n : Ljemɛa, 07 Ɣuct 2020 18:12     Taggayt : LEZZAYER     Ɣran-t : 20 n tikkal   Bḍu