Menu principal

Menu principal

lac izzayriyen gar teɣtas n uṭerḍeq i d-yeḍran deg Bayrut

Yeffeɣ-d ass n : Laṛebɛa, 05 Ɣuct 2020 20:18   Ɣran-t : 14 n tikkal
lac izzayriyen gar teɣtas n uṭerḍeq i d-yeḍran deg Bayrut

LEZZAYER  TAMANEƔT - Ulac ula d yiwen n uzzayri gar teɣtas n uṭerḍeq n lbumbat i d-yeḍran ass n usinas (ttlata) deg Bayrut (Lubnan), i d-icar uɣlif n Yiweẓla Iwerdaniyen.

Amutlay n uɣlif n Yiweẓla iwerdaniyen, Abdelaziz Benali Cherif, yenna-d, deg ukatar-a, dakken "ɣef wakken i d-nnant telɣa i aɣ-d-yewḍen s asrag-a ideg nella (asinas tameddit), ulac yiwen n uzzayri i d-yeddan gar teɣtas n lbumbat i yeṭṭreḍqen ass n 4 ɣuct deg usagen n Bayrut", yella kan yiwen uzzayri ijerḥen ajraḥ afessas.

Yerna yenna-d dakken "nesɛa kra n telɣa, i mazal d-tebten, deg tmahelt-nneɣ deg Bayrut, yimeẓla idawsanen n Bayrut, deg wayen yerzan azzayri-iḍen i yellan deg yiwen seg gar yisegnafen n Bayrut.

La ttkemmilen yinermisen akked yimeẓla n tmahelt akked yiduba ilubaniyen i usefqed n taɣult-a akked unadi ɣef wayen i yes-s d-yegla uṭerḍeq-a ɣef yinesɣuma n umɣiwan-nneɣ yellan deg Lubnan, i d-yenna umutlay n Uɣlif n Yimeẓla Iwerdaniyen.

Yezzireg-d dakken, imeẓla n tmahelt-nneɣ deg Bayrut sgermen iman-nsen i wakken ad allen sin n yizzayriyen ilan tinezduɣin i iḥuza uṭerḍeq n lbumbat.

"Tamahel-nneɣ ha-tt-an deg unermis imezgi akked yiɛeggalen n umɣiwan-nneɣ i wakken ad qabel akk isutren n tallalt deg teswiɛt-a taweɛrant ideg tmurt n Lubnan", i d-isegra umasay-nni.

lac izzayriyen gar teɣtas n uṭerḍeq i d-yeḍran deg Bayrut
  Yeffeɣ-d ass n : Laṛebɛa, 05 Ɣuct 2020 20:18     Taggayt : LEZZAYER     Ɣran-t : 14 n tikkal   Bḍu