Menu principal

Menu principal

Lbak 2020 : askiddeb n telɣa yetteddun deg yiẓeḍwa inmettiyen

Yeffeɣ-d ass n : Letniyen, 03 Ɣuct 2020 23:09   Ɣran-t : 62 n tikkal
Lbak 2020 : askiddeb n telɣa yetteddun deg yiẓeḍwa inmettiyen

LEZZAYER  TAMANEƔT – Aneɣlaf n Usegmi aɣelnaw yeskaddeb-d ass n uynas (letniyen) tilɣa i la yetteddun deg yiẓeḍwa inmettiyen ɣef kra n yiɣtasen zeɛma yerzan asmemmi n unagraw n wallus akked usuddes n Lbak tawala n ctember 2020 anagar tangiwin tigejdanin.

"seg d-ffɣen yisalan ur nesɛi lsas deg yiẓeḍwa inmettiyen i la d-yettinin dakken llan yiɣtasen yerzan ikayaden n Lbak, aneɣlaf n Usegmi aɣelnaw yeskaddeb-d isalan-a ur nesɛi ara lsas ilan iswi n ukellex n yimdanen, asefcel n yibalmuden deg twala-a iẓemken, tin n uheyyi n ukayad yeḥwaǧen talwit akked urafeq", i d-yesseddi uneɣlaf deg yiwen n ulɣu i tesɛa gar ifassen-is Tnegga n Yisalan n Lezzayer.

Almend n tegnit-a, yeɣra-d uneɣlaf i yal yiwen akked ad iɛas iman-is, ad yessefqed tilɣa deg uɣbalu unṣib s dellu ayalas ɣef udeg aliktrunan n uɣlif akked tisebtar-is ɣef yiẓeḍwan inmettiyen, i yerna yenna-d ulɣu.

Yeɣra-d daɣen i yibalmuden i wakken ad ɛassen iman-nsen, ad faqen i tilɣa i ssedduyen beṛṛa n yiɣbula unṣiben n uɣlif n Usegmi.

Ad nrsmekti dakken kra n yiẓeḍwa inmettiyen sseddan tilɣa i sneṭḍen i uɣlif n usegmi i d-yettinin dakken "yettwasmemmi n wallus i yibalmuden i d-yewwin yiwet n tlemmast n 9/20 deg ukayad n Lbak yerna aneggaru-a yerza kan tingiwin tigejdanin".

Lbak 2020 : askiddeb n telɣa yetteddun deg yiẓeḍwa inmettiyen
  Yeffeɣ-d ass n : Letniyen, 03 Ɣuct 2020 23:09     Taggayt : LEZZAYER     Ɣran-t : 62 n tikkal   Bḍu