Menu principal

Menu principal

Tamḍelt n yiqecrar n yinazbayen izzayriyen : seg usalay n Patis… ar Umkuẓ n yimeɣrasen n Lɛalya

Yeffeɣ-d ass n : Letniyen, 06 Yulyu 2020 09:07   Ɣran-t : 1 n tikkal
Tamḍelt n yiqecrar n yinazbayen izzayriyen : seg usalay n Patis… ar Umkuẓ n yimeɣrasen n Lɛalya

LEZZAYER  TAMANEƔT – Tettwakkes-asen temḍelt ugar n lqern akked uzgen, iɣsan n yinezbayen izzayriyen imezwura iqublen taẓrahrest tafransit, ideg llan Ccix Bouziane akked Chérif Boubaghla, wwin-ten-id ass n usimwas (lǧemɛa) seg tmurt n Fransa s usafag aredsan, akken ad sgunfun tura deg umkuẓ n yimeɣrasen n temḍelt Lɛalya, d tuɣalin s akal deg d-lulen, iɣef fkan iman-nsen d asfel.

Deg wass am wa, azamul n 5 yulyu, i d-yemlalen akked umulli wis 58 n uzarug akked tmeɣra n tmeḍrit, isaḍen-a iɣelnawen n lqern wis 19, ideg llan gar-asen Moussa El-Derkaoui, Si Mokhtar Ben Kouider Al-Titraoui akked Mohamed Ben-Allel Ben Embarek, uɣalen-d deg taggara ɣer wakal n lejdud-nsen i sswen s idammen-nsen, s yiwet n temḍelt yellan deg uswir n umennuɣ-nsen.

Almend n uzal sɛan, deg yiwet n tfugla tameqqrant i yettwarmes, ass n n usimwas (lǧemɛa) deg unafag agraɣlan Houari Boumediene n Lezzayer tamaneɣt, uḥric amezwaru n yiɣsan n yinazbayen izzayriyen (24 n yiqecrar), ɣummen s tekbabt taɣelnawt, kkan-d seg tmurt n Fransa anda llan ttwaḥebsen, d iseggasen aya, deg Usalay n umezruy agaman n Paris.

D taswiɛt iǧehden deg umezruy n Lezzayer : iɣsan n yinazbayen izzayriyen seg yimezwura ibedden mgal n teẓrahrest tafransit i d-yewḍen deg taggara ɣur warraw-nsen, d iseggasen aya seg llan la ten-id-zzikkinen d aglaf n umgaru yimeẓrahras, i la yettwalin iman-nsen kkan-d nnig n yiɣerfan-iḍen. Maca, yessiẓer-iten umezruy.

Deg tfugla-a, afrayen llan ǧehden armi wid iḥedren, ideg llan ula d imasayen n tmurt, ɣef uqerru-nsen aselway Tebboune, ur ssawḍen ara ad ṭṭfen imeṭṭawen-nsen.

Isendyaq ideg llan yiɣsan n 24 n yiɣellaten n Uzbu aɣerfan sersen-ten, sakin, deg yiɣerɣer n Leqṣer n Yidles Moufdi-Zakaria, ɣef ṭṭablat yibalmuden ifesyanen n Tkadimit taredsan n Cercal, rnan-asen akk timeqqunin n tjeǧǧigin.

Zzikknen-ten-id i yimdanen kra yekka wass n usiḍyas (ssebt) deg yiɣerɣer n Laṣer n Yidles i wakken ad asen-rren tajmilt taneggarut

Tamḍelt n yiqecrar n yinazbayen izzayriyen : seg usalay n Patis… ar Umkuẓ n yimeɣrasen n Lɛalya
  Yeffeɣ-d ass n : Letniyen, 06 Yulyu 2020 09:07     Taggayt : LEZZAYER     Ɣran-t : 1 n tikkal   Bḍu