Menu principal

Menu principal

Anfafad bu uqacuc: Lezzayer teṭṭef deg umenzay aydeg « d tadawsa n uɣerman ay yezwaren »

Yeffeɣ-d ass n : Lexmis, 28 Mayu 2020 10:38   Ɣran-t : 23 n tikkal
Anfafad bu uqacuc: Lezzayer teṭṭef deg umenzay aydeg « d tadawsa n uɣerman ay yezwaren »

LEZZAYER TAMANEƔT – Iwekked-d uselway n Udabu Aɣelnaw Amzarug n Tefranin, Mohamed Charfi, ass n ukras, dakken Lezzayer teṭṭef deg umenzay aydeg « d tadawsa n uɣerman ay yezwaren » deg tiddit-nnes i uferru n tezɣent n unfafad bu uqacuc, am wakken ay d-iwekked dakken yessefk ad yili « umtawa aɣelnaw » i lmend n uwexxer n tefranin ɣef lǧal n tkaɣreft-a.

Lezzayer teṭṭef deg umenzay aydeg d « tadawsa n uɣerman ay yezwaren » yernu tiɣawsiwin niḍen ur iḥaren ara zemrent ad ṛjunt taswiɛt-a, ɣef wakken ay d-iwejjed deg yiwet n temlilit n umciweṛ s usarag n teẓrit ay d-yellan gar wudusen d-yelhan s usefrek n tefranin deg tmura n Tdukli Tafriqit.

Yesmekti-d Mass Charfi dakken Lezzayer tella d yiwet seg tmura timezwura ay yessaglen tidyanin taddalanin d tdelsanin akken ad d-tḥettem asekmen adawsan, am wakken ay d-yeckeṛ ṛṛuḥ n temsetlelt n Yizzayriyen deg umennuɣ mgal tkaɣreft-a, ladɣa s ubrid n usuddes n terkaf n temsetlelt i lfayda n yimezdaɣen n twilayt n Leblida yellan dge usekmen ummid.

Deg wayen yerzan timlilit-nni, Mass Charfi yenna-d dakken wissen ma yezmer ad yettwaktazel usemdu ara yesɛu unfafad bu uqacuc ɣef wahil n tefranin yernu yenna-d dakken taswiɛt-a, ayen yezwaren maci d asefru n yizemzen imaynuten i tefranin wanag d asezgi n tmeddurt d unfafad bu uqacuc.

Seg yidis niḍen, yesmekti-d daɣ Mass Charfi dakken imḍebbren n yinhilen imegdayen ur zmiren ara ad ɣetsen i yiman-nsen ɣef uwexxer n tefranin.

 

Anfafad bu uqacuc: Lezzayer teṭṭef deg umenzay aydeg « d tadawsa n uɣerman ay yezwaren »
  Yeffeɣ-d ass n : Lexmis, 28 Mayu 2020 10:38     Taggayt : LEZZAYER     Ɣran-t : 23 n tikkal   Bḍu