Menu principal

Menu principal

Anfafad Bu Tesmert Covid-19 : Isragen n umahil deffir n Lɛid tameẓyant ttwasebḍen

Yeffeɣ-d ass n : Lexmis, 21 Mayu 2020 19:27   Ɣran-t : 14 n tikkal
Anfafad Bu Tesmert Covid-19 : Isragen n umahil deffir n Lɛid tameẓyant ttwasebḍen

LEZZAYER TAMANEƔT – Isragen n umahil deffir n Lɛid tameẓyant alamma d ass n 29 mayu ideg nella ttwasebḍen s wassaɣ ɣer wakaten n ukman deg uxxam yellan deg ukatar n uḥezzeb mgal n Unfafad Bu Tesmert Covid-19, i d-yenna ass n ukwas (lexmis) yiwen n ulɣu n Twuri tanagdudt.

"I lmend n wakaten n yimira n ukman deg uxxam i d-yeddan deg uwetmi yerzan aḥezzeb akked umennuɣ mgal n uzuzzer n Unfafad Bu Tesmert Covid-19, isragen n umahil ara yeddun deg tsuda akked tdeblin tinagdudin deg twala n deffir Lɛid Ameẓyan alamma d ass n 29 mayu 2020 ttwasebḍen seg wass n usamas ɣer ukwas, am wakka :

- Seg usrag wis 8 ɣer wis 13 i yimdanen yettmahalen deg ugezdu n Blida (yellan deg ukman seg usrag wis 14 ɣer wis 7 n uzekka-nni).

- Seg usrag wis 8 ɣer wis 16 i yimdanen yettmahalen deg yigezda n Bgayet, Tlemsan, Tizi Uzzu, Lezzayer, Sṭif, Mdiya, Wehran, Tipaza akked Ɛin Defla (yellan deg ukman seg usrag wis 17 ɣer wis 7 n uzekka-nni).

- Seg usrag wis 8 ɣer wis 16h30 i yimdanen yettmahalen deg yigezda nniḍen (yellan deg ukman seg usrag wis 19 ɣer wis 7 n uzekka-nni).

Tamehla tamatut n Twuri tanagdudt dakken imdanen yettwakksen seg wakaten n uzgen n ukman deg uxxam akked wid yesɛan asireg uzzig  n umbiwel deg yisragen n ukman ad qqimen deg yisragen n umahil nnumen yellan deg uglugen i la iteddun imira".

Ass n 12 mayu yezrin, ametwi n uzgen n ukman n wexxam i wakken ad nqabel aṭan n unfafad Bu Tesmert Covid-19, akked wakk akaten n uḥezzeb i ten-id-iḍefren ulsen-asen-d i yiwet n twala nniḍen n mraw d semmus (15) n wussan, alamma d ass n 29 mayu, i d-icar yiwen n ulɣu n yimeẓla n uneɣlaf Amezwaru.

Anfafad Bu Tesmert Covid-19 : Isragen n umahil deffir n Lɛid tameẓyant ttwasebḍen
  Yeffeɣ-d ass n : Lexmis, 21 Mayu 2020 19:27     Taggayt : LEZZAYER     Ɣran-t : 14 n tikkal   Bḍu