Menu principal

Menu principal

Djerad yezzireg beqqu n Uselway Tebboune i wakken ad yesnefli, ad yesmahel tisnatwilin titrarin

Yeffeɣ-d ass n : Ttlata, 19 Mayu 2020 20:12   Ɣran-t : 82 n tikkal
Djerad yezzireg beqqu n Uselway Tebboune i wakken ad yesnefli, ad yesmahel tisnatwilin titrarin

LEZZAYER  TAMANEƔT – Aneɣlaf Amezwaru, Abdelaziz Djerad, yenna-d ass n sinas deg Lezzayer tamaneɣt dakken tanfa yefka Uselway n Tegduda, Abdelmadjid Tebboune, i usnefli akk usmahel n tesnatwilin titrarin n Telɣut akked teɣwalt i lfayda n tmurt.

Yesselwi tafugla n uciri n terga tasnetlant "El Maarifa" (tamusni), d targa tanagdudt tis 7 yerzan aselmed s umeccaq, deg tesɣimt n Tnegga tallunant tazzayrit (ASAL) deg Bucawi (ataram n Lezzayer tamaneɣt), s tihawt n Usemtar n Tselwit n Tegduda, Abdelhafid Allahoum, akked yinesɣuma n Unabaḍ, yenna-d Mass Djerad dakken "tisnatwilin titrarin ad aɣ-ssiwḍent ɣer uselhu n wallalen n teɣwalt", yezzireg-d dakken "Lezzayer tedda deg ubrid-a d iseggasen aya, maca tikkelt-a yella beqqu n uselway n Tegduda i usnefli akked usmahel n tesnatwilin-a i wakken ad ilint deg lfayda n tmurt, ladɣa ibalmuden akked yimezrawen".

Aselway Amezwaru iḥettet ɣef wakken yessefk "ad nessiweḍ talɣut akked tmusni i wakk Izzayriyen anda bɣun ilin deg tmurt-a-amenẓaw, aya, ad yili baṭel", yettwali dakken "ibalmuden akked yimezrawen ur sɛin ara akk allalen ara ten-yessiwḍen ad smahlen tisnatwilin-a".

Yemmeslay akked yijenyuren i d-yelhan akked yidis atwilan akked win n umsaka akked useddu n wahilen ara d-tfares terga-a tamaynut, aneɣlaf Amezwaru yefser-d "axatar n uselmed n tutlayin tiwerdaniyin, ladɣa tanglizit akked tcinwit". Ccinwa la tetteddu ad tuɣal deg lqern-a wis 21 "d tinḍi tamezwarut deg umaḍal, ɣef waya i yessefk ad nekkerwi tutlayt-is", i d-yenna.

Yerna yeɣdebba ɣef wakken i yessefk ad nefk ugar n uzal i tutlayin tiɣelnawin akked usali n yiswiren-nsent.

Djerad yezzireg beqqu n Uselway Tebboune i wakken ad yesnefli, ad yesmahel tisnatwilin titrarin
  Yeffeɣ-d ass n : Ttlata, 19 Mayu 2020 20:12     Taggayt : LEZZAYER     Ɣran-t : 82 n tikkal   Bḍu