Menu principal

Menu principal

Ass n umezraw : aneɣlaf Amezwaru yekrebba ɣef tkatut n yimeɣrasen deg Tesdawit Lezzayer 1

Yeffeɣ-d ass n : Ttlata, 19 Mayu 2020 20:09   Ɣran-t : 41 n tikkal
Ass n umezraw : aneɣlaf Amezwaru yekrebba ɣef tkatut n yimeɣrasen deg Tesdawit Lezzayer 1

LEZZAYER TAMANEƔT – Aneɣlaf Amezwaru, Abdelaziz Djerad yesselwi, ass n usinas (ttlata), asfugel n umulli wis 64 n Wass aɣelnaw n umezraw deg tesdawit n Lezzayer tamaneɣt 1 Ben Youcef Ben Khedda, anda i yekrebba i tkatut n yimeɣrasen n umgaru n uslelli aɣelnaw.

Irufeq-it Usemtar n Tselwit n Tegduda, Abdelhafid Allahoum akked yinesɣuma n Unabaḍ, Mass Djerad isers tameqqunt n yijeǧǧigen yerna yerɣa-d Taldayt seg Uqran imqeddes i tkatut n yimeɣrasen, sdat n teẓrut n usfugel i gan almend n umulli n wass n umezraw (19 mayu 1956-19 mayu 2020).

Aneɣlaf Amezwaru yerza ɣef yiwet n tzikkent n tewlafin, i ssuddsen almend n waya, deg-s mačči kan ḥala tiwlafin, llan daɣen warraten ɣef usunded i gan yimezrawen izzayriyen deg tallit-nni, akked yimagraden n tɣamsa tamhersant akked twerdanit ɣef tedyant-a n umezruy n Tegrawla tazzayrit.

Almed n waya, Mass Djerad iḥettet ɣef uxatar n tira n umezruy n yimezrawen izzayriyen yefkan tameddurt-nsen ɣef Lezzayer, i wakken ad yili "d aɣbalu n uhrag i tsuta timaynutin iɣef yessefk ad ddment timsirin akked urfad n usafu", yenna-d dakken yessefk "ad ilint tezrwin akked tsersiyin n umajisti akked tid n uduktura ɣef usentel-a", aya s tuqqna deg tɣult-a gar Tesdawit, aɣlif n Yimǧahden akked wid ilan azref.

Ass n umezraw : aneɣlaf Amezwaru yekrebba ɣef tkatut n yimeɣrasen deg Tesdawit Lezzayer 1
  Yeffeɣ-d ass n : Ttlata, 19 Mayu 2020 20:09     Taggayt : LEZZAYER     Ɣran-t : 41 n tikkal   Bḍu