Print this page

Timguriwin timekniyin d tliktṛunant: Anagraw aydeg ur ttwasseqdacent ara tegrummiwin n CKD

Yeffeɣ-d ass n : Letniyen, 18 Mayu 2020 11:52   Ɣran-t : 23 n tikkal
  • Bḍu
Timguriwin timekniyin d tliktṛunant: Anagraw aydeg ur ttwasseqdacent ara tegrummiwin n CKD

LEZZAYER TAMANEƔT – Asenfar n usaḍuf assmadan n tedrimt n 2020 ara yettunefken, deg wussan ay d-yetteddun, i umni akken ad d-yili fell-as uskasi d usebɣer, d win ay yessefan anagraw asmenyifan iswi-nnes d asduqqes n temguri tameknit, tamguri taliktṛunant d temguri tatrisant s uɛeffu n uxelleṣ n tewsi d uɛeffu n tẓeṭṭaḍin n tedwant, am wakken daɣ ur ttwasseqdacent ara tegrummiwin n CKD deg umday n tkeṛṛusin.

I lmend n waya, imsemhal n temguriwin tameknit d tliktṛunant d yisuga itersaddaren ad d-sfaydin seg uɛeffu seg tẓeṭṭaḍin n tedwant d tẓeṭṭaḍt n wazal yernan deg wayen yerzan tinegwa timenza d-yettwaǧwen neɣ tid ay yettnuzun deg wulzuz aɣelnaw, am wakken ara ttwaɛfen daɣ seg waya yisegren ay yettnuzun ɣer yisdagaten s uqader n umagrad 61 n usenfar n usaḍuf assmadan n tedrimt.

Tinegwa d yisegren d-yettwaǧwen ad d-ttwabedren deg wumuɣ anectan ara d-yettwaheyyin deg yal aseggas anewsi, yernu ad yili wumuɣ-a d aḥric n uɣtas n uktazel atwilan ara yeg uɣlif d-yelhan s temguri.

Akat-a amaynu iswi-nnes d asebɣes n yimsemhal akken ad awḍen ɣer uktamur n unummed aɣelnaw ara ireẓmen abrid i walluy n temguriwin n tidet deg Lezzayer deg udeg n umday aḥerfi ay d-yettilin imir-a, yernu ad d-yili waya s sin n yinagrawen.

Anagraw amezwaru yerza tinegwa timenza d yifarisen izegnusgiren ara d-yettwesɣen deg wulzuz adigan neɣ seg uzɣar i lmend n usummed-nsen deg ufares.

Anagraw wis sin yerza isegren ur yettwassummden ɣer yifarisen yewwḍen ɣer uktamur n usummed d-yettwassutren deg uzmam n tewtilin.

 

Timguriwin timekniyin d tliktṛunant: Anagraw aydeg ur ttwasseqdacent ara tegrummiwin n CKD
  Yeffeɣ-d ass n : Letniyen, 18 Mayu 2020 11:52     Taggayt : LEZZAYER     Ɣran-t : 23 n tikkal   Bḍu