Menu principal

Menu principal

Tameddurt ddukkli deg telwit d izalen n udiwenni akked tnagra yelhan i la tessedduy tsertit tazzayrit

Yeffeɣ-d ass n : Lḥedd, 17 Mayu 2020 19:15   Ɣran-t : 31 n tikkal
Tameddurt ddukkli deg telwit d izalen n udiwenni akked tnagra yelhan i la tessedduy tsertit tazzayrit

LEZZAYER  TAMANEƔT – Aselway n Ugraw aɣelnaw, Slimane Chenine yenna-d ass n usiḍyas (ssebt) dakken asfugel n umɣiwan agraɣlan n Wass agraɣlan n tmeddurt ddukkli deg telwit d izalen n udiwenni, n umsuref akked tnagra yelhan i la tessedduy tsertit tazzayrit.

"Asfugel n umɣiwan agraɣlan n Wass agraɣlan n tmeddurt ddukli deg telwit ass n 16 mayu, i yesmemmi Ugraw amatu n Yiɣlanen Yedduklen ass n 08 dujember 2017, d asumer n Lezzayer i d-yefkan ttbut n wazalen n udiwenni, n temsetlelt gar yimdanen akked tnagra yelhan i la yessedduy yidles asertan akked tigawt tadiblumatit taɣelnawt i la yettekkayen s waṭas deg trusi n urkad akked telwit deg uswir afriqi akked unmaḍal", i d-yezzireg yiwen n ulɣu n Ugraw aɣelnaw aɣerfan.

Almend n waya, Mass Chenine yenna-d dakken asfugel n useggas-a yusa-d deg yiwen n wattal "afeɣnaman" yettwaɣeḍmen s "yiwet n tezɣent tadawsant tagraɣlant werǧin i d-teḍra, i yes-s d-yegla waṭan n Unfafad Bu Tesmert Covid-19 i d-yezzaknen liḥala turhift n unagraw adawsan deg uswir agraɣlan neɣ aɣelnaw s wassaɣ ɣer uḥareb n tdawsa n yimdanen deg umaḍal", akken yebɣu yili ukettur n tiẓraf n tmura, aswir-nsent asnatwilan akked umḍiq-nsent akelsertan.

"Tazɣent-a, i yerna yenna-d, ad tawi ibeddilen deg temṣukin deg umaḍal", d ayen ara yeɣzen ugar ameccag adawsan, umḍin akked tneflit, d ayen daɣen ara d-yeǧǧen ccwami deg tɣellist akked urkad agraɣlan, ɣef waya i neḥwaǧ s tɣawla idles-a n Tmeddurt ddukkli deg telwit.

Yerna yenna-d dakken Lezzayer tezga s yiɣtasen akked tseɣrutin n Uselway n Tegduda tezzwaray ferru amelwi n tezɣan  deg Libya akked wanda nniḍen deg ukatar n udiwenni akked umsuref s umennuɣ mgal n tremɣa akked teẓriɣeft tukriḍt akked uqader n tnaya n tmura

Last modified on Letniyen, 18 Mayu 2020 12:19
Tameddurt ddukkli deg telwit d izalen n udiwenni akked tnagra yelhan i la tessedduy tsertit tazzayrit
  Yeffeɣ-d ass n : Lḥedd, 17 Mayu 2020 19:15     Taggayt : LEZZAYER     Ɣran-t : 31 n tikkal   Bḍu