Menu principal

Menu principal

Yella beqqu asertan iǧehden i usnas n usaḍuf mgal wid yezzuzuren Lfetna deg yiẓeḍwa inmettiyen

Yeffeɣ-d ass n : Laṛebɛa, 13 Mayu 2020 19:08   Ɣran-t : 74 n tikkal
Yella beqqu asertan iǧehden i usnas n usaḍuf mgal wid yezzuzuren Lfetna deg yiẓeḍwa inmettiyen

LEZZAYER  TAMANEƔT – Aneɣlaf asemtar deg teɣwalt, amutlay unṣib n Tselwit n Tegduda, Belaïd Mohand Oussaïd yenna-d, ass n ukras (larebɛa) deg Lezzayer tamaneɣt, "beqqu asertan iǧehden i usnas n usaḍuf mgal wid akk yesmahalen iẓeḍwa inmettiyen i wakken ad regmen imdanen neɣ i wakken ad zzuzren Lfetna".

"Yella yiwen beqqu asertan iǧehden i usnas n usaḍuf mgal wid akk yesmahalen iẓeḍwa inmettiyen i wakken ad regmen imdanen neɣ i wakken ad zzuzren Lfetna", i d-yezzireg Mass Belaïd deg yiwen n usarag n tɣamsa, d tiririt ɣef yiwet n tuttra yerzan tuṭṭfa n wid yettarun deg yiẓeḍwa inmettiyen.

"Imdanen-a aweẓlu-nsen akked Usaḍuf, nagar Taɣdemt i izemren ad tt-tegzem deg ṛṛay deg wayen yerzan ikaramen-nsen almend n Ungal afguran, i yesmemmi melmi kan Umni", i d-yenna.

Yezzireg-d ɣef wakken yessefk ad yili uqader n Usaḍuf, ladɣa wid ur nennum ara ttqadaren-t", Mass Belaïd yenna-d dakken "win ara irekḍen Asaḍuf, ad iqabel Taɣdemt". Maca, yanne-d dakken "Awana ad yefk taɣdemt i wid akk yettwaḍelmen".

Ibder-d kra n liḥalat, amedya n usali n tkerkas ɣef umdal n teɣsar n yimeẓla i "d yeglan s yiwet n tezɣent tameqqrant", akked liḥalat nniḍen "yugaren tiyaḍ", Amutlay n tselwit n Tegduda yeɣra-d i "tmasit akked uqader n usemres n tlelli".

Deg yiwet n tmuɣli, yezzireg-d Mass Belaïd dakken "tinwiyin i d-yettwasumren deg uḍris n Tmenḍawt "ldint tiwwura timeqqranin i tlelliyin, ladɣa deg wayen yerzan taɣamsa akked uḥareb fell-as mgal tucḍiwin i umesten-is akked umesten n uneɣmas".

Deg wayen yerzan alday n Tliẓriwin tinagdudin i tenmegla, aneɣlaf asemtar deg Teɣwalt yesseddi-d dakken tikli-a "akken kan i tebda, yessefk ad tṣebrem cwiṭ", yenna-d dakken yella yiwen n "wahil n unekcum n yigensasen n tenmegla ɣer tliẓriwin tiɣelnawin, ama d ikabaren n tsertit, timetti taɣarimt neɣ imazzayen akked tiwezza tiɣelnawin".

Last modified on Lexmis, 14 Mayu 2020 10:42
Yella beqqu asertan iǧehden i usnas n usaḍuf mgal wid yezzuzuren Lfetna deg yiẓeḍwa inmettiyen
  Yeffeɣ-d ass n : Laṛebɛa, 13 Mayu 2020 19:08     Taggayt : LEZZAYER     Ɣran-t : 74 n tikkal   Bḍu