Menu principal

Menu principal

Anfafad bu uqacuc: Awanak iɛewwel ad d-yessebges akk ammaken yellan

Yeffeɣ-d ass n : Lḥedd, 12 Yebrir 2020 12:16   Ɣran-t : 194 n tikkal
Anfafad bu uqacuc: Awanak iɛewwel ad d-yessebges akk ammaken yellan

LEZZAYER TAMANEƔT – Yules iwekked-d uneɣlaf n tdawsa, Abderrahmane Benbouzid, ass n usiḍyas deg Lezzayer Tamaneɣt, dakken « awanak iɛewwel ad d-yessebges akk ammaken yellan » akken ad yemmesten iɣermanen seg tkaɣreft n unfafad bu uqacuc.

Deg wawal-nnes deg umyager d tɣemsa ɣef umhaz n tkaɣreft n unfafad bu uqacuc deg Lezzayer, yenna-d Mass Benbouzid dakken awanak , « ddaw usiggi ayalas d wusrid » n uselway n tegduda, Abdelmadjid Tebboune, « iɛewwel akken ad d-yessebges akk ayen yellan d ammaken » i umesten n yiɣermanen seg tkaɣreft-a tanmaḍalt.

I lmend n waya, Mass Benbouzid yesmekti-d dakken « imalas yezrin, uǧwen-d tanecta d tameqrant n warrum d usgalef n uḥezzeb ula ma yella-d lḥeṛs d ameqran ɣef wulzuz anmaḍal n yifarisen-a », am wakken ay d-ixebber dakken sɣan-d ugar n 15 n tgelmusin d 100 n yimsunefsen igemdanen, am wakken ay d-uǧwen tinectiwin d timeqranin n telkasin, tismaqqalin n umesten d tgelmusin i yimahalen n tdawsa.

Yerna-d dakken asatim aɣelnaw n tekluṛukint yerna s wugar n 300.000 n tenkulin, am wakken ay d-iwekked dakken awanak ad ikemmel « ussis-nnes i uḍman n tillit n wakk ifarisen, isgulaf d yisafaren yessefken i uqabel n tegnit-a taweɛṛant ayɣef tettekk Lezzayer am wakk timura niḍen n umaḍal ».

Deg wayen yerzan israten n temnaḍin yemgerraden n tmurt, yenna-d Mass Benbouzid dakken  ur ttɛeḍḍilen ara ad fken asireg i tyunin n ukcaf n waḍḍan yeqqnen ɣer Usudu n Pasteur deg temruzin-nnes n Wehṛan, Qsenṭina, Waregla d Tlemsan, ɣer yidis n yisegnafen isdawanen n Wehṛan d temruzin n Mustapha-Pacha, Bni Messus, Tamenɣest, Bgayet, Tipaza d Sḍif.

Yerna-d uneɣlaf dakken Tasmilt Tussnant n Uḍfar n Umhaz n Tkaɣreft n Unfafad bu Uqacuc tesmemmi aneggaf n usesfer s tekluṛukint i wugar n 1700 n yimuḍinen, yernu aneggaf-a yella-d i usesfer n yimuḍinen ifessasen, am wakken ay d-ixebber dakken tasmilt-a tedwet s yigmaḍ ay d-yellan seg usafar-a yernu d aya ay yessawḍen ɣer tmerniwt n umḍan n yimuḍinen yejjin, tagara-a.

 

 

Anfafad bu uqacuc: Awanak iɛewwel ad d-yessebges akk ammaken yellan
  Yeffeɣ-d ass n : Lḥedd, 12 Yebrir 2020 12:16     Taggayt : LEZZAYER     Ɣran-t : 194 n tikkal   Bḍu