Asunded n yinawaren deg Fṛansa: Ad d-yili ccwal deg waffugen n Air Algerie ɣer Fṛansa

Yeffeɣ-d ass n : Letniyen, 21 Mayu 2018 15:03   Ɣran-t : 91 n tikkal
Asunded n yinawaren deg Fṛansa: Ad d-yili ccwal deg waffugen n Air Algerie ɣer Fṛansa

LEZZAYER TAMANEƔT – Tenna-d teṛmist tagennant taɣelnawt n Air Algerie dakken ad d-yili ccwal deg waffugen-nnes ɣer Fṛansa seg wass n uynas (letniyen) ɣer wass n ukras (laṛebɛa) ɣef lǧal n usunded ay gan yinawaren ifṛansiyen, ɣef wakken ay d-tebder teṛmist-a deg yiwen n ulɣu.

« Ɣef lǧal n usunded amatu n yiwanaren ifṛansiyen ara d-yebdun ass n uynas (letniyen) seg tis 6 n tmeddit ɣer wass n ukras (laṛebɛa) ɣef tis 6 n tnezzayt, tettxebbir-d Air Algerie imsiklen-nnes dakken ad cewwlen waffugen ɣer Fṛansa », ɣef wakken ay d-yenna ulɣu-a.

S waya, ad d-yili uɛeḍḍel d ccwal deg waffugen ara yekken ɣef Fṛansa, ɣef wakken ay d-tɛeyyen Air Algerie.

I usmekti, gren-d acḥal n yinmula ifṛansiyen tiɣri i usunded ara iḥazen imeẓla inagduden yemgerraden, dɣa d aya ara d-yeglun s ccwal deg waffugen ara yeddun ɣer tmurt-a.

Isefqaden igennanen n Fṛansa ad ttekkin deg umussu-a. Ɣef waya ay d-tessuter temsafga taɣarimt assenqes n waffugen deg yinafagen igejdanen n Fṛansa s 20%.

Inawaren ifṛansiyen la d-ssuturen, s umata, tasemmeskelt n twuri tanagdudt d usselhu n tezmert n tmesɣiwt n yimeggiyen-nnes.

Last modified on Letniyen, 21 Mayu 2018 15:09
Asunded n yinawaren deg Fṛansa: Ad d-yili ccwal deg waffugen n Air Algerie ɣer Fṛansa
  Yeffeɣ-d ass n : Letniyen, 21 Mayu 2018 15:03     Taggayt : LEZZAYER     Ɣran-t : 91 n tikkal   Bḍu