Bensalah: ‘’yewweḍ-d ukud akken ad nili seg wid izemren ad qablen imihiten akked yicqirrwen i la yettɛassan aɣlan-nneɣ’’

Yeffeɣ-d ass n : Letniyen, 16 Yebrir 2018 15:46   Ɣran-t : 308 n tikkal
Bensalah: ‘’yewweḍ-d ukud akken ad nili seg wid izemren ad qablen imihiten akked yicqirrwen i la yettɛassan aɣlan-nneɣ’’

ṬEHRAN (Taɛerba tasaɛudit) – Aselwa n Useqqamu n uɣlan, Abdelkader Bensalah, yenna-d ass n lḥedd deg Ṭehran, dakken ‘’yewweḍ-d ukud, i Yiwanaken aɛraben, akken ad ilin seg wid izemren ad qablen imihiten akked yicqirrwen i la d-yettɛassan aɣlan, ayen i la t-yettraǧun yezmer ad yili d tawaɣit tameqrant deg wayen yerzan taɣellist akked urkad-is’’,

yettwali dakken ‘’aya iḥettem-aɣ-d ad nales tamuɣli akked wugar n tebɣest akken ad nṣeggem, ad naf tifrat iwulmen’’.

Yettekka deg yimuhal n tqacuct taɛrabt tis 29, s yisem-is d agensas n uselway n Tegduda, Abdelaziz Bouteflika, Mass Bensalah yenna-d dakken liḥala ideg tella temnaḍt taɛrabt akked umaḍal s umata ‘’iḥettem-d fell-aɣ asdukel n yiɣallen, aseǧhed n tɣellist akked userked n Ywanaken aɛraben, aseǧhed n temsetlelt gar Yiwanaken akked yiɣerfan, ferru n yiṭṭraḍen akked usmeskel n Temɣunt taɛrabt akked ad as-nefk yiwet n temlilt s uzal-is, akken ad tessiweḍ ad tesɛu awal gar tmura akked tifin n tifrat tilemmasin i yimennuɣen akked yiṭṭraden, akken ur d-yettili ara uḥettem awerdani’’.

Ma d ayen yerzan liḥala deg Libya, aselway n Useqqamu n uɣlan yenna-d dakken tazɣent-a ‘’mazal Lezzayer tuḍen-as aɣilif’’, yules-d i teɣri akken ad ggtent tigawin i lfayda n ’’yiwet n tifrat i tezɣent-a s tsertit akked telwit, akken ad neḍmen taɣellist akked urkad n tmurt-a, akin i usekcen n yiman-is uwerdani’’.

Bensalah: ‘’yewweḍ-d ukud akken ad nili seg wid izemren ad qablen imihiten akked yicqirrwen i la yettɛassan aɣlan-nneɣ’’
  Yeffeɣ-d ass n : Letniyen, 16 Yebrir 2018 15:46     Taggayt : LEZZAYER     Ɣran-t : 308 n tikkal   Bḍu