Yettwamdel ubrid gar Lemdeyya d Cceffa ɣef lǧal n uḥmal n wasif

Yeffeɣ-d ass n : Lḥedd, 15 Yebrir 2018 14:00   Ɣran-t : 40 n tikkal
Yettwamdel ubrid gar Lemdeyya d Cceffa ɣef lǧal n uḥmal n wasif

LEMDEYYA – Yettwamdel ubrid aɣelnaw 1u gar Lemdeyya d Cceffa ass n lḥedd tanezzayt zik ɣef lǧal n uḥmal n wasif n Cceffa d yisyaxen ay d-iwten ɣef wadaf n temdint n Lḥemdaneyya, ɣef wakken ay d-tenna temsetla n Lemdeyya.

Ɣef leḥsab n uɣbalu-a, yemdel ubrid-a ɣef lǧal n uḥmal n wasif n Cceffa ay d-yuwḍen armi d abrid, dɣa s waya, d awezɣi ad ddunt tkeṛṛusin gar temdinin n Leblida d Lemdeyya.

Inẓaren ay d-iwten deg sin-a n wussan ineggura llan-d d ssebba i useyyex n yiẓra gar yigennariyen n Cceffa d wadaf n ugafa n Lḥemdaneyya.

I ussifses n tiddit n tkeṛṛusin, ttwawehhan yinehhaṛen akken ad aɣen Abrid Aɣelnaw wis 18 yeqqnen gar Lemdeyya d Ǧendel (Ɛin Ddefla).

Ma d inehhaṛen ay d-yettekken seg unẓul n Lemdeyya ttwehhin-ten akken ad ɛeddin ɣef Lbeṛwageyya d ubrid aɣelnaw wis 62 akken ad ddun ɣer Lexmis, sakkin ad kemmlen abrid-nsen ɣer Leblida d Lezzayer.

Isgulaf n tmehla n yimahilen inagduden n Lemdeyya la ttmahalen war aḥbas ass n lḥedd akken ad kksen iẓra-nni ay ireglen abrid deg temnaḍt n Lḥemdaneyya, ɣef wakken ay d-yenna unemhal n yimahilen inagduden n Lemdeyya, Yahia Meziane.

D acu kan, ur ttalsen ara ad reẓmen abrid gar Lemdeyya d Cceffa arma yuder wasif n Cceffa ay d-ifaḍen ɣef ubrid aɣelnaw 1u.

 

Last modified on Lḥedd, 15 Yebrir 2018 15:29
Yettwamdel ubrid gar Lemdeyya d Cceffa ɣef lǧal n uḥmal n wasif
  Yeffeɣ-d ass n : Lḥedd, 15 Yebrir 2018 14:00     Taggayt : LEZZAYER     Ɣran-t : 40 n tikkal   Bḍu