Tagnit tanmettit-tadamsant deg 2017: tga-d Lezzayer igmaḍ yelhan ula ma tewɛeṛ tezɣent

Yeffeɣ-d ass n : Ssebt, 14 Yebrir 2018 13:00   Ɣran-t : 74 n tikkal
Tagnit tanmettit-tadamsant deg 2017: tga-d Lezzayer igmaḍ yelhan ula ma tewɛeṛ tezɣent

LEZZAYER TAMANEƔT – Yenna-d uneɣlaf amenzu, Ahmed Ouyahia, ass n ssebt deg Lezzayer Tamaneɣt, dakken tessaweḍ Lezzayer ad d-teg igmaḍ yelhan deg 2017 ula ma tekka ɣef tezɣent tadamsant iweɛṛen ɣef ljal n unqas ameqran deg watig n upitṛul.

Deg yiwen n usarag n tɣemsa ay d-yellan i lmend n uqeddem n tecrawt n unabaḍ, yenna-d Mass Ouyahia dakken « ula ma 2017 d aseggas aydeg Asenduq n Usseɣyed n Yimadufen ifuk », yernu yegla-d waya s lateṛ ɣef umarud n usgalef, maca Lezzayer tga-d igmaḍ idamsanen yelhan.

I lmend n waya, yenna-d uneɣlaf amenzu dakken tadamsa taɣelnawt yella-d deg-s ussefti n 3.500 n yimelyaṛen n yidinaṛen (azal n 30 n yimelyaṛen n yidulaṛen imarikaniyen) deg 2017 s ubrid n umarud anagdud d yismaden ibankanen.

« Nezmer ad nernu i tallayt-a (n 3500 n yimelyaṛen n yidinaṛen), » 50% n yidrimen niḍen ay d-yekkan seg ussefti usrid d tdamsa tamsadaɣt, ɣef wakken ay d-yenna.

Armud-a adamsan, ɣef leḥsab-nnes, d win ayseg d-yesfaydi unnerni aɣelnaw yexḍan timerɣa ay yessawḍen ɣer 3,7% deg 2017 ɣef wakken ay d-yenna Udiwan Aɣelnaw n Taddadanin.

Dɣa, ula ma agzum n tmerɣa yenqes deg Lezzayer, maca annerni aɣelnaw amakki yuweḍ ɣer 2,2% deg 2017, ɣef wakken ay d-yenna.

Last modified on Ssebt, 14 Yebrir 2018 13:30
Tagnit tanmettit-tadamsant deg 2017: tga-d Lezzayer igmaḍ yelhan ula ma tewɛeṛ tezɣent
  Yeffeɣ-d ass n : Ssebt, 14 Yebrir 2018 13:00     Taggayt : LEZZAYER     Ɣran-t : 74 n tikkal   Bḍu