Ad yessuddes Useqqamu n Uɣlan ass n laṛebɛa asarag ɣef tilawt n timmuzɣa deg Lezzayer

Yeffeɣ-d ass n : Ttlata, 10 Yebrir 2018 13:43   Ɣran-t : 49 n tikkal
Ad yessuddes Useqqamu n Uɣlan ass n laṛebɛa asarag ɣef tilawt n timmuzɣa deg Lezzayer

LEZZAYER TAMANEƔT – Ad yessuddes Useqqamu n Uɣlan, ass n laṛebɛa deg tesɣimt-nnes, asarag ɣef « tilawt n timmuzɣa deg Ldzayer: takaẓart deg yizri, iksaben ass-a d yisrusen deg yimal », deg ukatar n yisaragen aggaganen d yidelsanen ay la yessuddus Useqqamu.

Asarag-a d win aydeg ara ttekkin yimazanen n snat n texxamin n umni, igensasen n tedbelt d tsuda n uwanak, iselmaden isdawanen d yimnadiyen, am wakken ara ḥedṛen daɣ yigensasen n tɣemsa d tmetti taɣarimt.

Ahil n usarag-a d win aydeg ara d-yili uneskin n umaru amatu n Useqqamu Unnig i Timmuzɣa, Si El Hachemi Assad ɣef yiksaben ay d-yellan deg unrar n timmuzɣa deg Lezzayer, asarag ara yeg uselmad n umezruy Mohamed El Hadi Harrech ɣef telqey tamezruyant n tutlayt d tirawt n tmaziɣt, d usarag ɣef « Timmuzɣa seg yidis n tesnilest d tsekla » n uselmad asdawan Mohamed Djellaoui.

Last modified on Ttlata, 10 Yebrir 2018 14:06
Ad yessuddes Useqqamu n Uɣlan ass n laṛebɛa asarag ɣef tilawt n timmuzɣa deg Lezzayer
  Yeffeɣ-d ass n : Ttlata, 10 Yebrir 2018 13:43     Taggayt : LEZZAYER     Ɣran-t : 49 n tikkal   Bḍu