Tizi Uzzu: Icar Mass Necib imahilen n usseḍru n wuggug n Sidi Xlifa

Yeffeɣ-d ass n : Ttlata, 10 Yebrir 2018 12:49   Ɣran-t : 42 n tikkal
Tizi Uzzu: Icar Mass Necib imahilen n usseḍru n wuggug n Sidi Xlifa

TIZI UZZU – Icar uneɣlaf n teɣbula n waman, Hocine Necib, ass n letniyen, deg Tizi Uzzu, imahilen n tmeṣkiwt n wuggug n Sidi Xlifa yellan 8 n yikilumitren deg ugmuḍ (ccerq) n temdint n Uẓeffun (Tizi Uzzu).

Uggug-a ad yesɛu ableɣ n 22 n yimelyunen n yimitren igasasen (m3) n waman yal aseggas gar-asen 4,4 n yimelyunen n yimitren igasasen seg waman-a ad ttwasqedcen i ussway n tkerrazt, deg wakud aydeg ara yefreq aman n tissit i 286 n yiɣerman (tuddar) deg 18 n tɣiwanin, ladɣa tid ay d-yusan deg temnaḍt n yiri n yilel n twilayt-a, neɣ s wawal niḍen, 162.907 n yimezdaɣen ara d-yesfaydin seg waman n wuggug-a.  

Asenfar-a ad t-bnun deg wasif n Sidi Ḥmed Yusef (Asif n Lḥemmam, Bgayet, 8 n yikilumitren deg ugmuḍ n Uẓeffun) yernu ḥazen-as-d 8,4 n yimelyaṛen n yidinaṛen. Taswiɛt-a, d tagrawt tazzayrit-taṭerkit n ETRHB-Haddad-Gunsay ay yettwawekklen ɣef tmeṣkiwt-nnes.

Asmi ara ifak wuggug-a, ad yeqqel d uggug wis 90 deg tmurt n Lezzayer, ɣef wakken ay d-iwekked uneɣlaf ay d-yernan dakken uggugen n tmurt n Lezzayer ḥerzen, s ujemmal, 9 n yimelyaṛen n yimitren igasasen (m3) n waman.

 

Last modified on Ttlata, 10 Yebrir 2018 13:54
Tizi Uzzu: Icar Mass Necib imahilen n usseḍru n wuggug n Sidi Xlifa
  Yeffeɣ-d ass n : Ttlata, 10 Yebrir 2018 12:49     Taggayt : LEZZAYER     Ɣran-t : 42 n tikkal   Bḍu