Kraḍet n tmerwin d kuẓ n yimsettiyen i ṭṭfen deg yixf n unẓul n tmurt, yiwen nniḍen deg Tbatent (aɣlif n temḥaddit)

Yeffeɣ-d ass n : Ttlata, 13 Meɣres 2018 15:35   Ɣran-t : 5 n tikkal
Kraḍet n tmerwin d kuẓ n yimsettiyen i ṭṭfen deg yixf n unẓul n tmurt, yiwen nniḍen deg Tbatent (aɣlif n temḥaddit)

LEZZAYER  TAMANEƔT - Kraḍet n tmerwin d kuẓ n yimsettiyen i ṭṭfent tsensirin n Tredsa taɣelnawt taɣerfant, ass n warim (letniyen) deg Tmenɣast, Ɛin Gezzam akked Lberǧ Baǧi Lmexttar, ufan ɣur-sen yiwet n tmekḥelt n unṭag n tsekka n Kalachnikov akked ddeqs n yikarṭucen, teṭṭef daɣen deg Tmabatent, Temsetla taɣelnawt, yiwen n umdan i umi tekkes yiwet n tmeẓyant tawurmant, i d-yenna ass n waram (ttlata) yiwen n ulɣu n uɣlif n Temḥaddit taɣelnawt.

‘’Deg ukatar n umennuɣ mgal n tinnɣi tuddist, tisensirin n Tredsa taɣelnawt taɣerfant ṭṭfent, ass n 12 meɣres 2018 deg Tmenɣast, Ɛin Gezzam akked Lberǧ Baǧi Lmexttar (Tamnaḍt taserdasant tis 6), kraḍet n tmerwin d kuẓ (34) n yimsettiyen i umi kksen yiwet n tmekḥelt n unṭag n tsekka n Kalachnikov, ddeqs n yikarṭucen, sin (02) n yisbabbayen, 3.000 n yilitren n yiserɣan, mraw d sin (12) n yimenɣaren, tẓa (09) imaffen n wuzzal akked semmus (05) n yimarwen n trisiti, ma deg Tbatent (Tamnaḍt taserdasant tis 5), ubẓen yiferdisen n Temsetla taɣelnawt yiwen n umdan i umi kksen yiwet n tmeẓyant tawurmant’’, i d-yesseddi ulɣu.

Seg yidis nniḍen, yiwet n tsensirin n Tredsa taɣelnawt taɣerfant (ANP) akked yiferdisen n Temsetla taɣelnawt ‘’ṭṭfen, deg Tnduf (Tamnaḍt taserdasant tis 3) akked Tlemsan (Tamnaḍt taserdasant tis 2), kuẓ (04) n yimsettiyen i umi kksen 9,330 kg n ki, ma d tasensirt nniḍen teṭṭef, deg Werregla (Tamnaḍt taserdasant tis 4), sin (02) n yimsettiyen i umi kksen 2.518 n teqrizin n ddexxan’’, i d-yezmel uɣbalu-nni, rnu-d i waya ‘’tubẓa n sḍis (06) n yiminigen irusḍifen i d-yekkan seg tmura yemgarden deg Wadrar akked Tɣerdayt’’

Kraḍet n tmerwin d kuẓ n yimsettiyen i ṭṭfen deg yixf n unẓul n tmurt, yiwen nniḍen deg Tbatent (aɣlif n temḥaddit)
  Yeffeɣ-d ass n : Ttlata, 13 Meɣres 2018 15:35     Taggayt : LEZZAYER     Ɣran-t : 5 n tikkal   Bḍu