Zaalane: tiɣsar n uxelleṣ deg webrid amazzal Agmuḍ-Ataram ad d-wejdent deg tgara n 2018

Yeffeɣ-d ass n : Ttlata, 13 Meɣres 2018 14:57   Ɣran-t : 6 n tikkal
Zaalane: tiɣsar n uxelleṣ deg webrid amazzal Agmuḍ-Ataram ad d-wejdent deg tgara n 2018

 

LDZAYER TAMANEƔT – Yenna-d uneɣlaf n yimahilen inagduden, Abdelghani Zaalane, ass n ttlata deg Ldzayer Tamaneɣt, dakken tiɣsar n uxelleṣ n webrid amazzal Agmuḍ-Ataram ad d-wejdent deg tgara n 2018.

Deg yiwet n tɣimit ay iga d tesmilt n umesni n Wegraw Aɣerfan Aɣelnaw, yenna-d Mass Zaalane dakken imahilen n ussersi n ttawil n uxelleṣ la d-ttilin imir-a yernu yettekka deg waya ttawil n teɣwalt tagensit, taɛessast s tkamriwin, iẓeḍwan n yisireg asekdan d ttawilat niḍen.

48 n yensaten n uxelleṣ ay la bennun deg 7 n yibeddalen, am wakken ay la bennun 7 n yensaten niḍen deg webrid amazzal Agmuḍ-Ataram, ɣef wakken ay d-yenna uneɣlaf ay d-yernan dakken nnig waya, 42 n teɣsar n tumast, 35 n yinurar n wesgunfu d 22 n yensaten n uṣeggem ay la bennun. Yal ansa ad yili yebɛed ɣef wayeḍ azal n 65 d 75 n yikilumitren, yernu aya daɣ ad yeǧǧ ad d-tili tgermant tutribt deg ddaw 30 n tmikin.

Abrid amazzal Agmuḍ-Ataram yesɛa 1.132 n yikilumitren yernu aḥric-nnes aneggaru deg twilayt n Ṭṭaref (48 n yikilumitren) ad d-yewjed deg tezwara n 2019, dɣa d aya ara yessiwḍen teɣzef-nnes ɣer 1.216 n yikilumitren ɣef leḥsab n uneɣlaf. 

 

 

Zaalane: tiɣsar n uxelleṣ deg webrid amazzal Agmuḍ-Ataram ad d-wejdent deg tgara n 2018
  Yeffeɣ-d ass n : Ttlata, 13 Meɣres 2018 14:57     Taggayt : LEZZAYER     Ɣran-t : 6 n tikkal   Bḍu