Aselway Bouteflika : tallunt n wanternet, d ’’adeg n tuffra’’ n yiremmaɣen, d yiwen n ‘’ucqirrew aɣellisan’’ i tmura taɛrabin

Yeffeɣ-d ass n : Laṛebɛa, 07 Meɣres 2018 13:31   Ɣran-t : 41 n tikkal
Aselway Bouteflika : tallunt n wanternet, d ’’adeg n tuffra’’ n yiremmaɣen, d yiwen n ‘’ucqirrew aɣellisan’’ i tmura taɛrabin

LEZZAYER  TAMANEƔT – Aselway n Tegduda, Abdelaziz Bouteflika, iweṣṣa-d, deg yiwen n yizen ass n wahad (larebɛa) ilmend n Tɣimit tis 35 n Useqqamu n yineɣlafen aɛraben n Ugensu i la iderrun deg temdin n Lezzayer, mgal telɣiwin n tuqqna gar tremɣa akked telɣiwin n tinnɣi tigraɣlanin s wallan n tesnatwilin titrarin, dɣa isemlen n wanternet akked yiẓeḍwan inmettiyen.

‘’Liḥala terna tcud segtuqqniwin yemgarden i d-yeḍran gar tremɣa akked telɣiwin n tinnɣi tagraɣlant, d taɣawsa i umi yennerna umihi s usemres s waṭas n wallalen isnatwilanen itraren akken ad neqqen imdanen, ad sseddun tiktiwin tiẓrixfanin akked tkerkas, ad ttkellixen i yilemẓiyen-nneɣ akked usekcem-nsen ɣer tegrawin n yiremmaɣen anda yella ccwa akked ṭṭrad’’, i d-yenna uselway n Bouteflika deg yizen-is, i d-yeɣra s yisem-is uneɣlaf n Ugensu, n tenbazin tidiganin akked uṣeggem n wakal, Noureddine Bedoui.

Yenna-d ilmend n waya, dakken ‘’tallunt nwanternet d yiwen n ucqirrew aɣellisan i tmura-nneɣ taɛrabin, rnu-d i waya deg-s i teffrent tuddsiwin tiremmaɣin akked wakk iẓeḍwan n tinnɣi, acku ur ffrent, dɣa tid yeznuzun imdanen, asetti n yigmanen akked yiminigen irusḍifen, asetti n tehyufin, asetti n timrigen akked yifexsayen, asetti n tmagit akked warraten, tamlilt-is deg usekcem n yimnaɣen akked tuqqna gar yiẓeḍwan yemgarden n yimnaɣen, useɣwan n yiɣbula n tiẓraf yefɣen i usefqed i yersen i uskaw n yiɣbula n tiẓraf iklasikaniyen’’.

Aselway Bouteflika : tallunt n wanternet, d ’’adeg n tuffra’’ n yiremmaɣen, d yiwen n ‘’ucqirrew aɣellisan’’ i tmura taɛrabin
  Yeffeɣ-d ass n : Laṛebɛa, 07 Meɣres 2018 13:31     Taggayt : LEZZAYER     Ɣran-t : 41 n tikkal   Bḍu