Yessuddes wenmalu n CNAPESTE imsegrawen, yeɣra-d i weɣlif n umahil akken ad yili d abdammas

Yeffeɣ-d ass n : Ttlata, 13 Fuṛaṛ 2018 12:31   Ɣran-t : 56 n tikkal
Yessuddes wenmalu n CNAPESTE imsegrawen, yeɣra-d i weɣlif n umahil akken ad yili d abdammas

LEZZAYER TAMANEƔT– Yessuddes Useqqamu Aɣelnaw Afulman n Yixeddamen n Usselmed n Wegzum Akerḍan n Ussegmi (CNAPESTE) acḥal n yemsegrawen deg Lezzayer Tamaneɣt d twilayin niḍen ass n letniyen deg wakud aydeg ay iga asunded seg wass n 30 Yennayer, am wakken ay d-iger tiɣri i uneɣlaf n umahil, Mourad Zemali, akken ad yili d abdammas gar wenmalu-a d weɣlif n ussegmi aɣelnaw akken ad d-afen tifratin i wuguren yerzan anmalu-a.

 Deg tmaneɣt, gan yiselmaden yeqqnen ɣer Useqqamu Aɣelnaw Afulman n Yixeddamen n Usselmed n Wegzum Akerḍan n Ussegmu (CNAPESTE) tiɣimit n uccetki sdat tesɣimt n Tmehla n Ussegmi n Twilayt n Lezzayer Talemmast akken ad d-ssutren, ladɣa, aqader n yemtawaten ay yettwazemlen d weɣlif n ussegmi aɣelnaw d weslugen n tegnit n kra n yixeddamen ay la ixeddmen imahilen ay la yetteddun akken ad negren, wid ay la ixeddmen deg weḥric n tesnajya n umahil d wesmar n tekfi n umahil deg wenẓul.  

 

Gan daɣ yiselmaden n wenmalu-a deg Tizi Wezzu d Tubiret amsegraw sdat tnariyin tidiganin n wenmalu akken ad d-ssenfalin tamsetlelt-nsen d yimidawen ay staxren s tin n uɛaqeb deg Bgayet d Leblida.

 

Deg wenẓul n tmurt, gant kra n tegrawin n yiselmaden tiɣimiyin n uccetki sdat tesɣimin n tmehliwin n ussegmi s weḍfar n teɣri n wenmalu n CNAPESTE.

Imi ay la yettkemmil usunded-a, iger-d tiɣri uneɣlaf n umahil, Mourad Zemali, i yiselmaden akken ad ḥebsen asunded-a yernu ad ḍefren abrid n lemcawṛat s uxemmem ɣef nnfeɛ n yibalmuden d tmurt.  

 

 

Yerna-d daɣ Mass Zemali dakken tamenḍawt tadzayrit teḍmen i wegrud azref n ussegmi, yernu yesmekti-d dakken asaḍuf adzayri yessebded-d acḥal n ttawilat n udiwenni d wemciweṛ, am wakken ay d-iwekked dakken aɣlif-nnes yessefk ad yesnes asaḍuf yernu ad imahel d yenmula-a, ixeddamen d yecriken inmettiyen akken ad nadin abrid ara iqadren asaḍuf.

Last modified on Ttlata, 13 Fuṛaṛ 2018 17:37
Yessuddes wenmalu n CNAPESTE imsegrawen, yeɣra-d i weɣlif n umahil akken ad yili d abdammas
  Yeffeɣ-d ass n : Ttlata, 13 Fuṛaṛ 2018 12:31     Taggayt : LEZZAYER     Ɣran-t : 56 n tikkal   Bḍu