Fuken yemsujjiyen imsundeden amsegraw-nsen deg Lezzayer Talemmast

Yeffeɣ-d ass n : Ttlata, 13 Fuṛaṛ 2018 10:35   Ɣran-t : 251 n tikkal
Fuken yemsujjiyen imsundeden amsegraw-nsen deg Lezzayer Talemmast

LEZZAYER TAMANEƔT, 12 Fuṛaṛ 2018 – Fuken yemsujjiyen – ay igan asunded seg wayyur n Wamber yezrin- amsegraw-nsen deg Tnazent Tameqrant n Lezzayer ass n letniyen tameddit ɣef wakken ay d-nwala.

 Imsujjiyen imezdaɣen ay igan asunded msefraqen war ccwal sdat Tnazent Tameqrant (deg tasukt n Zighout-Youcef d wezniq n Asla Hocine), am wakken ay temsefraq tegrawt niḍen deg wesbiṭar asdawan n Mustapha-Pacha, deffir ma gan amsegraw ass n letniyen tanezzayt i ussuter n usselhu n tegnit-nsen n umahil.

 Yemmugger uselway n Wegraw Aɣerfan Aɣelnaw, Said Bouhadja, ass n letniyen tameddit, yiwet n tmagla n yemsujjiyen imezdaɣen yernu ssawḍen-as tiɣerɣert n yissutren-nsen, ɣef wakken ay d-yenna yiwen n weɣbalu n Wegraw Aɣerfan Aɣelnaw i Tnegga n Yisalan n Lezzayer.

 Issutren n yemsujjiyen imezdaɣen rzan ladɣa ṣṣifa tuḥtimt n umeẓlu aɣarim, azref i uɛeffu seg umeẓlu aserdasan, azref i usselɣu n tɣara, acegger n uẓayer amatu n yemsujji amezdaɣ d wezref i tṣekkiwin tinmettiyin.

 Asunded-a bdan-t-id 15.000 n yemsujjiyen imezdaɣen seg tmezzugin tisnajyanin yemgerraden. D aya ay icewwlen mliḥ isbiṭaren yernu kra seg-sen uwḍen armi ay ḥebsen deg-sen kra n lecɣal am tgufust, dɣa d aya ay yessawḍen ɣer uwexxer n ttiɛadat ay yettunefken i yimuḍinen.

 

 

Last modified on Ttlata, 13 Fuṛaṛ 2018 17:37
Fuken yemsujjiyen imsundeden amsegraw-nsen deg Lezzayer Talemmast
  Yeffeɣ-d ass n : Ttlata, 13 Fuṛaṛ 2018 10:35     Taggayt : LEZZAYER     Ɣran-t : 251 n tikkal   Bḍu