Nɣan sin n yiremmaɣen imihawen deg Mdiya

Yeffeɣ-d ass n : Lexmis, 01 Fuṛaṛ 2018 16:15   Ɣran-t : 94 n tikkal

LEZZAYER  TAMANEƔT - Nɣan sin n yiremmaɣen imihawen, ass n larebɛa deg yiwet n temzelt n unadi i tga yiwet n tsensirt n Tredsa taɣelnawt taɣerfant deg tɣiwant n Ulad Ahlel, tawilayt n Mdiya, i d-yenna yiwen n ulɣu n uɣlif n Temḥaddit taɣelnawt.

‘’Deg ukatar n umennuɣ mgal n tremɣa, seg i d-teḍra yiwet n temzelt n unadi deg tɣiwant n Ulad Ahlel, asun n Ulad Ɛenṭer deg Mdiya (Tamnaḍt taserdasant tamenzut), yiwet n tsensirt n Tredsa taɣelnawt taɣerfant tenɣa, deffir n yimekli-a n 31 yennayer 2018, sin (02) n yiremmaɣen imihawen’’, i d-yesseddi uɣbalu-nni.

‘’Tamzelt-a, i mazal tetteddu, tegla-d s usegrew n snat (02) tmekḥal n unṭag ilan tasekka n Kalachnikov, akked ddeqs n yikarṭucen akked yiwet n teyunt n tseksawin’’, i yerna yenna-d uɣlif n Temḥaddit taɣelnawt.

Last modified on Lexmis, 01 Fuṛaṛ 2018 20:03
Nɣan sin n yiremmaɣen imihawen deg Mdiya
  Yeffeɣ-d ass n : Lexmis, 01 Fuṛaṛ 2018 16:15     Taggayt : LEZZAYER     Ɣran-t : 94 n tikkal   Bḍu