Menu principal

Menu principal

LEZZAYER TAMANEƔT – Tkemmel, ass n ukwas, tɣemsa taɣelnawt tettwekkid-d, deg wussan ineggura uqbel tsefrant ɣef tmenḍawt, yernu tebder-d dakken imekfuḍa n tḥemla-a ssuggten tuffɣiwin akken ad sqenɛen iɣermanen ad nnebgsen yernu ad ttekkin s waṭas deg userbeḥ n tsefrant n 1u n Wamber ay d-yetteddun.
TABATENT - Aneɣlaf Amezwaru Abdelaziz Djerad yenna-d, ass n ukras (larebɛa) deg Tbatent, dakken "d tasdawit iɣef yessek ad tettrruẓu asalu deg tesnatwilin timaynutin, asemḍen, tiɣist tagemdant akked tdamsa n tmusni".
LEZZAYER TAMANEƔT - Ajiniral n Tfekka n Tredsa Saïd Chanegriha, Aɣella n Yifesyanen n Tredsa taɣelnawt taɣerfant yenna-d, ass n ukras (larebɛa) deg Qsenṭina, dakken lwaǧeb n yimeẓraɣlanen, ladɣa Taredsa taɣelnawt taɣerfant, d "attekki akken yessefk deg unǧaḥ n tsefrant ɣef usenfar n ucegger n Tmenḍawt", i d-yenna yiwen n ulɣu n uɣlif n Temḥaddit taɣelnawt.
LEZZAYER TAMANEƔT - Aselway n Tegduda, Mass Abdelmadjid Tebboune yuzen yiwen n yizen n uɛezzi i Usemtar-is, Mass Abdelhafidh Allahoum, akked yinesɣuma n twacult-is, seg yemmut gma-s, i d-yennan, ass n ukras (larebɛa), yiwen n ulɣu n Tselwit n Tegduda.
LEZZAYER TAMANEƔT – Wekkden-d yizwal n tɣemsa tamlilit n tmetti taɣarimt d wussis n yimidyaten deg tḥemla i lmend n tsefrant i ucegger n tmenḍawt deg wuṭṭunen-nsen n wass n ukras.
LEZZAYER TAMANEƔT – Asmemmi n tmenḍawt tamaynut ayɣef ara d-tili tsefrant ass n 1u n Wamber ay d-yetteddun d ayen ara iderwen deg tmeṣkiwt n Lezzayer tamaynut ara d-yilin akken ay tt-yessarem uɣref, ɣef wakken ay d-wekkden, ass n usinas, yimekfuḍa n tḥemla n usegzu d usefrey ɣef usenfar n usenwi n tmenḍawt deg wass wis 14 n tḥemla-a.
TABATENT – Icar-d uneɣlaf amenzu, Abdelaziz Djerad, ass n ukras, deg tezwara n terzi-nnes n umahil d uswaḍ ɣef twilayt n Tbatent, tuqqla taɣurbizt n 2020-2021 seg uɣerbaz amenzu n Abderrahmane-El-Akhdari, deg yiɣefdeg n twilayt-a.
LEZZAYER TAMANEƔT - Tasenfalt taɣerfant i d-iteddun, ara d-yeḍrun ɣef usenwi n Tmenḍawt, d yiwen n "umecwaṛ axatar" deg ubrid n lebni n Lezzayer tamaynut akked tneflit tanmettit tadamsant, d iswan i wakken ad ten-id nesseḍru "yessefk" ad tili telwit akked urkad, i d-yenna ass n usinas (ttlata) deg Beccar ujiniral n tfekka n tredsa Saïd Chanegriha, aɣella n yifesyanen n Tredsa taɣelnawt taɣerfant, i d-yenna yiwen n ulɣu n uɣlif n Temḥaddit taɣelnawt.
LEZZAYER TAMANEƔT - Ugar n 5 imelyan n yibulmad yettwasiggzen deg uswir amezwaru ad kecmen, ass n ukras (larebɛa) s aɣerbaz deg wakal akk n tmurt, zerɛen deg wugar n 19.000 n temṣukin tisegmanin, deg tewtilin tidawsanin tifeɣnamin, ɣef ssebba n uzuzzer yuzzar waṭan n unfafad Bu Tesmert.
MESTƔANEM – Iwekked-d uselway n tegduda, Abdelmadjid Tebboune, ass n uynas, dakken asenfar n ucegger n tmenḍawt ayɣef ara d-tili tsefrant ass n 1u n Wamber « ad yili d azamul afraray n wazalen inɣermayen n Lezzayer, yernu ad yeḥrez tagallit n yimeɣrusen am wakken ara yessejhed awanak n usaḍuf ay d-yessuter Umussu Aɣerfan ».